Нацыянальная парламенцкая бібліятэка Японіі

Нацыянальная парламенцкая бібліятэка (яп.: 国立国会図書館) — адзіная нацыянальная бібліятэка Японіі. Адна з найбуйнейшых бібліятэк свету. Была заснавана ў 1948 для выкарыстання членамі Парламента Японіі. Па сваіх мэтах і магчымасцях бібліятэка параўнальная з Бібліятэкай Кангрэса (ЗША). Нацыянальная парламенцкая бібліятэка складаецца з двух асноўных аддзяленняў у Токіа і Кіёта, і больш малых.

Галоўны будынак Такійскага аддзялення Нацыянальнай парламенцкай бібліятэкі

Галоўны будынак Кіёцкага аддзялення Нацыянальнай парламенцкай бібліятэкі

Нацыянальная парламенцкая бібліятэка
яп.: 国立国会図書館[1] англ.: National Diet Library[1]
Галоўны будынак Такійскага аддзялення
Краіна	Японія
Адрас	Японія, Токіа, Кіёта
Заснавана	25 лютага 1948
Код ISIL	JP-1000001
Фонд
Аб'ём фонду	35,6 млн адзінак (9,3 млн кніг)[2]
Доступ і карыстанне
Колькасць чытачоў	654 тыс. у год[2]
Іншая інфармацыя
Бюджэт	¥21,8 млрд[2]
Супрацоўнікі	908[2]
Вэб-сайт	ndl.go.jp
Медыяфайлы на Вікісховішчы

Гісторыя

Нацыянальная Парламенцкая бібліятэка Японіі з'яўляецца спадчынніцай трох розных бібліятэк: Імперскай бібліятэкі, заснаванай у 1872 годзе пры Міністэрстве адукацыі Японіі і бібліятэк 2-х палат Парламента Японіі, утвораных адначасова ў 1890 годзе. 2 Бібліятэкі Парламента, як і сам гэты заканадаўчы орган, не былі развіты ў першай палове XX стагоддзя. У часы акупацыі Японіі войскамі ЗША пры садзейнічанні Дугласа Мак-Артура бібліятэка разраслася да 100 тысяч тамоў у 1948. Да 1986 збор бібліятэкі дасягнуў 12 млн асобнікаў. Нядаўна было адкрыта новае аддзяленне для дзяцей. Дзякуючы бібліятэцы праводзяцца сотні тысяч даследаванняў.

Асноўная калекцыя

Бібліятэка валодае ўсімі выданнямі, якія калі-небудзь выдаваліся ў Японіі, а таксама шматлікімі замежнымі кнігамі.

Важныя спецыяльныя калекцыі

8 спецыяльных калекцый бібліятэкі лічацца важнымі:

• Сучасная палітычная і канстытуцыйная гісторыя
• Матэрыялы пра паваенную акупацыю Японіі
• Законы і законапраекты
• Навука і тэхналогіі
• Карты
• Музыка
• Замежныя кнігі пра Японію
• Рэдкія і старажытныя выданні

Аблічбоўка кніг для сеткі Інтэрнэт

У апошнія гады актыўна развіваецца сайт бібліятэкі на англійскай і японскай мове. На гэты сайт выкладваюцца такія дакументы, як агульны каталог бібліятэкі, 60 000 сучасных кніг, 37 000 старажытных, пратаколы паседжанняў Парламента Японіі.

Зноскі

1. 国税庁法人番号公表サイト — 2015.

   <a href='https://wikidata.org/wiki/Track:Q111966960'></a>
2. Annual Report of the National Diet Library. Trends of the past year (англ.) (29 верасня 2008). Архівавана з першакрыніцы 13 сакавіка 2012. Праверана 15 ліпеня 2010.