Нацыянальная тэатральная прэмія

Нацыянальная тэатральная прэмія — прэмія ў галіне тэатральнага мастацтва. Заснавана ў верасні 2010 года пастановай Савета Міністраў Беларусі. Вынікі падводзяцца журы з прадстаўнікоў Міністэрства культуры Беларусі, Беларускага саюза літаратурна-мастацкіх крытыкаў, Беларускага саюза тэатральных дзеячаў, Беларускага саюза кампазітараў. Уручаецца штогод з 2011 года за найбольш значныя дасягненні ў галіне айчыннага тэатральнага мастацтва.^[1]

Нацыянальная тэатральная прэмія Нацыянальная тэатральная прэмія
Тып	тэатральная прэмія[d] і прэмія[d]
Заснаванне	2011
Краіна	Беларусь

Першая Нацыянальная тэатральная прэмія (2011)

Адбор

На конкурс было прадстаўлена 27 спектакляў. На пасяджэнні адборачнай камісіі шляхам галасавання большасцю галасоў было вызначана 12 спектакляў-намінантаў конкурсу:

• «Аршын мал Алан» Музычнага тэатра;
• «Драй швэстэрн» паводле Антона Чэхава Беларускага дзяржаўнага тэатра лялек;
• «Квартэт» Нацыянальнага акадэмічнага драматычнага тэатра імя Я. Коласа г. Віцебска
• «Магічнае люстэрка пана Твардоўскага» Гродзенскага абласнога тэатра лялек;
• «Набука» Джузэпэ Вердзі Тэатра оперы і балета;
• «Не мой» Алеся Адамовіча Купалаўскага тэатра;
• «№ 13» Рэя Куні Тэатра-студыі кінаакцёра Нацыянальнай кінастудыі «Беларусьфільм»;
• «Сабака на сене» Лопэ дэ Вега Драматычнага тэатра Беларускай Арміі;
• «Сонечка» Алены Паповай Рэспубліканскага тэатра беларускай драматургіі;
• «Тарэлкін» Магілёўскага абласнога драматычнага тэатра;
• «Хросная» Гомельскага абласнога драматычнага тэатра;
• «Эсфір» Людмілы Уліцкай Нацыянальнага акадэмічнага драматычнага тэатра імя М.Горкага.

Абраныя спектаклі былі паказаны на тэатральных пляцоўках Мінска з 4 па 10 кастрычніка 2011 г. Па выніках прагляду членамі журы будуць вызначаны пераможцы.

Вынікі

Пераможцамі сталі:

• «Не мой» (рэжысёр Аляксандр Гарцуеў) і «Набука» (рэжысёр Міхаіл Панджавідзэ) («Найлепшы спектакль года»),
• Аляксей Ляляўскі, пастаноўка «Драй Швэстэрн» («Найлепшая рэжысёрская работа»),
• Святлана Анікей, роля Паліны, «Не мой» («Найлепшая жаночая роля»),
• Павел Харланчук, роля Джорджа Пігдэна, «№ 13» («Найлепшая мужчынская роля»)
• рэжысёр Аляксандр Гарцуеў, інсцэніроўка Алена Калюнова, «Не мой» (намінацыя «Найлепшая сучасная пастаноўка па творах беларускіх аўтараў»),
• Барыс Герлаван і Алена Ігруша, «Не мой» («Найлепшая праца мастака-пастаноўшчыка»),
• Алег Хадоска, «Не мой» («Найлепшае музычнае афармленне»)

Другая Нацыянальная тэатральная прэмія (2012)

Адбор

На конкурс было прадстаўлена 39 спектакляў ад 28 драматычных, музычных і лялечных тэатраў. Адбор праходзіў у два этапы. Першы — прагляд відэа-версіі. Другі — выезд членаў камісіі непасрэдна ў тэатры і прагляд арыгінальных версій пастановак.

На пасяджэнні адборачнай камісіі шляхам галасавання большасцю галасоў было вызначана 16 спектакляў-намінантаў конкурсу:

• «Аіда» Джузэпэ Вердзі Нацыянальнага акадэмічнага Вялікага тэатра оперы і балета Рэспублікі Беларусь;
• «Выкраданне Еўропы альбо Тэатр Уршулі Радзівіл» Францішкі-Уршулі Радзівіл, Сяргея Кавалёва Нацыянальнага акадэмічнага тэатра імя Я.Купалы;
• «Гора ад розуму» Аляксандра Грыбаедава Нацыянальнага акадэмічнага драматычнага тэатра імя М.Горкага;
• «Леаніды не вернуцца на зямлю» У.Караткевіча Нацыянальнага акадэмічнага драматычнага тэатра імя Я. Коласа;
• «Пан Міністар» Францішка Аляхновіча Беларускага рэспубліканскага тэатра юнага гледача;
• «Вянчанне» Вітольда Гамбровіча Беларускага дзяржаўнага тэатра лялек;
• «Бяда ад пяшчотнага сэрца» Уладзіміра Салагуба Драматычнага тэатра Беларускай Арміі;
• «Фігара.tut» па П’еру Бамаршэ Сучаснага мастацкага тэатра УП «Віртуозы сцэны»
• «Сродак Макропуласа» Карэла Чапека Тэатра-студыі кінаакцёра Нацыянальнай кінастудыі «Беларусьфільм»;
• «Страцім-лебедзь» Юрыя Сохара па матывах паэмы Максіма Багдановіча Магілёўскага абласнога тэатра драмы і камедыі імя В. І. Дуніна-Марцінкевіча (г. Бабруйск)
• «Раскіданае гняздо» Янкі Купалы Брэсцкага акадэмічнага тэатра драмы імя Ленінскага камсамола Беларусі;
• «Прынцэса і Свінапас» па Хансу Андерсэну віцебскага тэатра «Лялька»;
• «Вар’яцкі Дзень альбо Жаніцьба Фігаро» П’ера Бамаршэ Гомельскага абласнога драматычнага тэатра;
• «Пікавая дама» Аляксандра Пушкіна, Пятра Чайкоўскага Гродзенскага абласнога тэатра лялек;
• «Аднакласнікі» Юліі Чарняўскай Магілёўскага абласнога драматычнага тэатра;
• «Чароўны пэндзаль» Алесі Сабелы, Ігара Казакова Магілёўскага абласнога тэатра лялек;

Вынікі

Абраныя спектаклі былі паказаны на тэатральных пляцоўках Мінска з 12 па 18 лістапада 2012 г. Пераможцамі сталі:

• «Пікавая дама» («Найлепшы спектакль»);
• «Пікавая дама» («Найлепшы спектакль тэатра лялек»);
• «Чароўны пэндзаль» («Найлепшы спектакль для дзяцей»);
• Алег Жугжда, «Пікавая дама» («Найлепшая рэжысёрская работа»);
• Ларыса Мікуліч, ролі Графіні Ганны Фядотаўны С-кай, Надзеі Філарэтаўны фон Мэк, Лізаветы Іванаўны у «Пікавай даме» («Найлепшая жаночая роля»);
• Аляксандр Палазкоў, роля Філімона Пупкіна у «Пан Міністар» («Найлепшая мужчынская роля»);
• Таццяна Нерсісян, «Вянчанне» («Найлепшая работа мастака-пастаноўшчыка»);
• Андрэй Зубрыч, «Выкраданне Еўропы альбо Тэатр Уршулі Радзівіл» («Найлепшае музычнае афармленне спектакля»);
• Наталля Фурман, «Выкраданне Еўропы альбо Тэатр Уршулі Радзівіл» («Найлепшая работа харэографа-пастаноўшчыка»);
• «Аднакласнікі» («Найлепшая пастаноўка па творы сучаснага беларускага аўтара»)^[2].

Зноскі

1. IV Рэспубліканскі конкурс тэатральнага мастацтва «Нацыянальная тэатральная прэмія» (нявызн.). Рэспубліканскі тэатр беларускай драматургіі (22 лістапада 2016). Праверана 4 жніўня 2018.(недаступная спасылка)
2. Алісейчык, Галіна (2013). "Нацыянальная тэатральная прэмія. Што далей?". Мастацтва (1 (358)): 26–28.