Нюрнберг (карная аперацыя)

У паняцця ёсць і іншыя значэнні, гл. Нюрнберг (значэнні).

Аперацыя «Нюрнберг» (ням.: Unternehmen Nürnberg) — кодавая назва карнай аперацыі нямецкіх войск супраць партызанскага атрада «Спартак», часткова партызанскай брыгады «Няўлоўныя», партызанскай брыгады імя К. Я. Варашылава, спецгруп ЦК КП(б) Літвы і Латвіі і мясцовага насельніцтва ў Браслаўскім, Пастаўскім і Шаркаўшчынскім раёнах (паміж азёрамі Богінскае і Дрывяты) 22—28 лістапада 1942 года. Гэтай аперацыяй карнікі намераваліся закончыць агульны план ліквідацыіпартызанскага руху на тэрыторыі так званай генеральнай акругі «Беларусь».

Аперацыя «Нюрнберг»
Асноўны канфлікт: Другая сусветная вайна, Вялікая Айчынная вайна
Дата	22—28.11.1942
Месца	Браслаўскі, Пастаўскі, Шаркаўшчынскі раёны
Прычына	Прысутнасць узброеных савецкіх партызанскіх падраздзяленняў у тыле групы армій «Цэнтр»
Статус	аперацыя завершана
Праціўнікі
Трэці рэйх:  СССР:
Медыяфайлы на Вікісховішчы

Ход аперацыі

Праводзілася сіламі 1-й матарызаванай брыгады СС, 14-га і 16-га паліцэйскіх і 75-га стралковых палкоў, матарызаваных узводаў жандармерыі і часцей вермахта. Ажыццяўлялася пад кіраўніцтвам начальніка паліцыі бяспекі і СД «Остланд» обергрупенфюрэра Екельна і спецупаўнаважанага рэйхсфюрара СС Гімлера па барацьбе з партызанамі обергупенфюрэра СС і генерала паліцыі Баха-Зелеўскага.

Карнікі не змаглі акружыць і знішчыць партызан, але загубілі каля 3 тысяч мясцовых жыхароў, захапілі жывёлу, разрабавалі маёмасць насельніцтва, спалілі больш за 30 вёсак.