Ніжняя Баварыя (герцагства)

У паняцця ёсць і іншыя значэнні, гл. Баварыя.

Герцагства Ніжняя Баварыя (ням.: Herzogtum Niederbayern) — герцагства ў складзе Свяшчэннай Рымскай імперыі, якое існавала з 1255 па 1340 гады.

Герцагства
Герцагства Ніжняя Баварыя
ням.: Herzogtum Niederbayern
Герб
<   >  > 1255 — 1340
Рэлігія	Каталіцтва
Дынастыя	Вітэльсбахі

Гісторыя

Першае стварэнне

Ніжнебаварскае герцагства было ўтворана ў 1255 годзе ў выніку падзелу ўладанняў герцага Атона II паміж яго сынамі: Генрых атрымаў Ніжнюю Баварыю, а Людвіг — Верхнюю (з Пфальцам).

У 1331 годзе, у выніку канфлікту Генрыха XIV са сваякамі, адпалі герцагствы Баварыя-Бурггаўзен на чале з Атонам IV, і Баварыя-Дэгендорф на чале з Генрыхам XV, аднак у 1332 годзе тры герцагі вярнуліся да сумеснага кіравання.

Пасля згасання ніжнебаварскай лініі Вітэльсбахаў Людвігу IV удалося ў 1340 годзе зноў аб'яднаць баварскія ўладанні сям'і ў адно цэлае.

Другое стварэнне

Калі дзеці Людвіга IV у 1349 годзе падзялілі спадчыну бацькі, Людвіг V, Людвіг VI і Атон V атрымалі частку, якая зноў была названая «Верхняй Баварыяй», а Стэфану II, Вільгельму I і Альбрэхту I дасталася «Ніжняя Баварыя».

У 1353 годзе Ніжняя Баварыя была падзелена зноў: Стэфану дасталася Баварска-Ландсгуцкае герцагства, а Вільгельму і Альбрэхту — Баварска-Штраўбінгскае герцагства.

Герцагі Ніжняй Баварыі

Першае стварэнне

• Генрых XIII (1255—1290)
• Атон III (1290—1312)
• Людвіг III (1290—1296)
• Стэфан I (1290—1310)
• Генрых XIV (1310—1339)
• Атон IV (1310—1334)
• Генрых XV (1312—1333)
• Ёган I (1339—1340)

Другое стварэнне

• Стэфан II, Вільгельм I і Альбрэхт I (1347—1349)