Нікалас Хіліярд

У Вікіпедыі ёсць артыкулы пра іншых людзей з прозвішчам Хіліярд.

Нікалас Хіліярд (каля 1547 — 1619) — англійскі мастак, ювелір і ілюстратар манускрыптаў, які праславіўся сваімі партрэтнымі мініяцюрамі з выявамі прыдворных Елізаветы і Якава I.

Нікалас Хіліярд
Аўтапартрэт
Дата нараджэння	1547[1][2][…]
Месца нараджэння	Эксетэр, Каралеўства Англія
Дата смерці	7 студзеня 1619(1619-01-07)[1]
Месца смерці	Лондан, Каралеўства Англія
Грамадзянства	Каралеўства Англія
Бацька	Richard Hilliard[d]
Жонка	Alice Hilliard[d]
Дзеці	Laurence Hilliard[d]
Род дзейнасці	мастак, ювелір
Жанр	партрэт[3]
Уплыў на	Isaac Oliver[d]
Медыяфайлы на Вікісховішчы

Па большай частцы пісаў маленькія круглыя мініяцюры, але сярод яго прац сустракаюцца і некалькі буйных (каля 15 см), і прынамсі два поўнафарматных паясных партрэта каралевы Лізаветы. На працягу сваёй 45-гадовай мастацкай кар’еры майстру спадарожнічалі пастаянная слава і адначасова фінансавыя непрыемнасці. Яго працы — адна з лепшых ілюстрацый да гісторыі Елізавецінскай Англіі і прыкметна адрозніваюцца ад таго, што адбывалася на кантыненце. Тэхнічна Хіліярд быў вельмі кансерватыўным мастаком (у параўнанні з сітуацыяй з жывапісам у Еўропе), але яго партрэтам ўласцівыя такая віртуознасць выканання, свежасць і чароўнасць, што Хіліярд заслужана з’яўляецца «цэнтральнай мастацкай фігурай Елізавецінскай эпохі, адзіным англійскім мастаком, чые працы адлюстроўваюць, быццам у адзінай кроплі, свет ранніх шэкспіраўскіх п’ес»^[4].

Біяграфія

Партрэт Эліс Хіліярд, жонкі мастака — прыклад ўплыву французскай манеры на стыль мініяцюрыстам.

Партрэт Рычарда Хіліярда, бацькі мастака

Сям’я і юнацтва

Мастак быў сынам Рычарда Хіліярда (1519—1594) з Экстэра, Дэваншыр, ювеліра і глыбока веруючага пратэстанта, які, акрамя таго, быў шэрыфам горада і графства ў 1560 г., і Лоурэнс, дачкі Джона Уола, лонданскага ювеліра. Верагодней за ўсё, у юным узросце Хіліард быў узяты ў дом вядомага эстэрскага пратэстанта Джона Бодлі (бацькі Томаса Бодлі  (англ.), заснавальніка Оксвардскай бадліянскай бібліятэкі). З усшэсця на пасад Марыі Цюдар Джон Бодлі адправіўся ў выгнанне, і 8 мая 1557 года 10-гадовы Хіліярд адзначаны ў ліку дамачадцаў, якія суправаджалі яго ў Жэневе. Менавіта ў Жэневе Хіліярд вывучыў нямецкую мову. Томас Бодлі, які быў старэйшы за яго на 2 гады, працягнуў у сталіцы Швейцарыі сваю класічную адукацыю ў вядучых навукоўцаў. Але не ясна, ці вучыўся Хіліярд разам з ім.

У 13 гадоў Хіліярд напісаў аўтапартрэт, і як сцвярджаюць, у 18-й яму пазіравала ўжо Марыя Сцюарт. Ён сышоў у вучні да ювеліра англійскай каралевы Роберту Брэндану  (руск.), які быў майстрам залатых спраў і скарбнікам горада Лондана. Мяркуюць таксама, што Хіліярд мог вучыцца мастацтву жывапісу ў Лявіны Цеерлінк  (руск.), дачкі Саймана Бенінга  (руск.), апошняга вялікага майстра фламандскай традыцыі ілюмінавання манускрыптаў, які служыў прыдворным мастаком Генрыха VIII пасля смерці Гольбейна. Пасля 7 гадоў вучнёўства Хіліярд быў прызнаны Майстрам Шаноўным Цэхам Злотнікаў у 1569 г. і адкрыў разам з малодшым братам Джонам майстэрню. Іх другі брат таксама быў ювелірам, а самы малодшы — святаром. У 1576 ён ажаніўся з дачкой Брэндана, Эліс, якая нарадзіла яму 7 дзяцей.

Партрэт Елізаветы I, т. зв. «Пелікан».

Памёр у 1619 годзе.

Галерэя

• 
  Партрэт сэра Уолтэра Рэйлі
• 
  Партрэт Джорджа Кліфарда, 3-га графа Камберлендскага  (англ.)
• 
  «Юнак з ружамі», меркаваны партрэт Роберта Дэверо, 2-га графа Эсэкса  (руск.)
• 
  Партрэт герцага Алансонскага  (руск.)

Зноскі

1. Nicholas Hilliard // Encyclopædia Britannica Праверана 9 кастрычніка 2017.

   <a href='https://wikidata.org/wiki/Track:Q5375741'></a>
2. Nicholas Hilliard // Athenaeum Праверана 9 кастрычніка 2017.

   <a href='https://wikidata.org/wiki/Track:Q32061534'></a>
3. https://www.npg.org.uk/collections/search/person/mp07108/nicholas-hilliard?role=art Праверана 12 студзеня 2021.
4. Ellis Waterhouse  (англ.), «Painting in Britain, 1530—1790», 4th Edn, 1978, p. 38, Penguin Books (now Yale History of Art series)