Ніна Іванаўна Гілевіч

У Вікіпедыі ёсць артыкулы пра іншых людзей з прозвішчам Гілевіч.

У Вікіпедыі ёсць артыкулы пра іншых людзей з прозвішчам Кавалёва.

Ніна Іванаўна Гілевіч (у дзявоцтве Кавалёва; 3 чэрвеня 1931, Шумілінскі раён, Віцебская вобласць — 24 ліпеня 2003, Мінск) — беларускі мовазнавец, спецыяліст у галіне беларускага мовазнаўства. Кандыдат філалагічных навук (1971), дацэнт^[1].

Ніна Іванаўна Гілевіч
Дата нараджэння	3 чэрвеня 1931(1931-06-03)
Месца нараджэння	Шумілінскі раён, Віцебская вобласць, Беларусь
Дата смерці	24 ліпеня 2003(2003-07-24) (72 гады)
Месца смерці	Мінск, Беларусь
Месца пахавання	Кальварыйскія могілкі
Грамадзянства	Беларусь
Муж	Ніл Гілевіч
Род дзейнасці	мовазнаўца
Месца працы	Вышэйшая школа філалагічны факультэт БДУ
Навуковая ступень	кандыдат філалагічных навук
Навуковае званне	дацэнт
Альма-матар	філалагічны факультэт БДУ

Біяграфія

Нарадзілася 3 чэрвеня 1931 года ў Шумілінскім раёне Віцебскай вобласці^[1].

Скончыла ў 1956 годзе Беларускі дзяржаўны ўніверсітэт па спецыяльнасці «Беларуская мова і літаратура. Руская мова і літаратура», пасля аспірантуру^[1]. У час вучобы пазнаёмілася са сваім будучым мужам Нілам Гілевічам^[2].

У 1956—1957 гадах настаўнічала ў Кузьмінскай СШ Гарадоцкага раёна Віцебской вобласці, пасля працавала ў выдавецтве «Вышэйшая школа», выкладала на кафедры беларускай мовы філалагічнага факультэта БДУ, дацэнт^[1].

Памерла 24 ліпеня 2003 года. Пахавана на Кальварыйскіх могілках у Мінску^[1].

Навуковая дзейнасць

Навуковыя інтарэсы: гісторыя старажытнабеларускай мовы; мова і стыль мастацкіх твораў беларускіх пісьменнікаў; беларуская дыялекталогія^[1].

Сям’я

У шлюбе з паэтам Нілам Гілевічам (1931—2016) мела адзінага сына Сяргея^[3], які стаў хімікам. Ягоная жонка — гісторык, сын Багдан — матэматык, грае ў рок-гурце^[4].

Зноскі

1. Старонка на сайце базы даных «Вучоныя Беларусі»
2. Палута, Барыс. Культ Сталіна, беларуская мова, жаніцьба: пра што пісаў у дзённіку малады Ніл Гілевіч  (бел.). Новы Час (30 верасня 2023). Праверана 8 сакавіка 2024.
3. «Усе сышлі, сышла эпоха. Няма Караткевіча, няма Брыля, няма Гілевіча». Жыхарка дома па вуліцы Карла Маркса, 36 згадвае пра сваіх суседзяў і іх лёсы  (бел.). Наша Ніва. Праверана 28 кастрычніка 2023.
4. Падобныя ці не? Як выглядаюць і чым займаюцца ўнукі Ніла Гілевіча, Івана Мележа і Кандрата Крапівы (руск.). citydog.io. Праверана 29 кастрычніка 2023.