Ніна Трафімаўна Вайтовіч

У Вікіпедыі ёсць артыкулы пра іншых людзей з прозвішчам Вайтовіч.

Ніна Трафімаўна Вайтовіч (10 ліпеня 1913, Дрыса — 4 сакавіка 1976) — беларускі мовазнавец. Доктар філалагічных навук (1967). Лаўрэат Дзяржаўнай прэміі СССР (1971)^[1].

Ніна Трафімаўна Вайтовіч
Дата нараджэння	10 ліпеня 1913(1913-07-10)
Месца нараджэння	Дрыса, Дрысенскі павет, Віцебская губерня, Расійская імперыя
Дата смерці	4 сакавіка 1976(1976-03-04) (62 гады)
Месца смерці	Мінск, Беларуская ССР, СССР
Грамадзянства	Расійская імперыя  СССР
Род дзейнасці	вучоная
Навуковая сфера	мовазнаўства
Месца працы	Нацыянальная акадэмія навук Беларусі
Навуковая ступень	доктар філалагічных навук
Альма-матар	Мінскі педагагічны інстытут
Прэміі
Узнагароды

Біяграфія

Нарадзілася ў сям'і настаўніка. Скончыла Мінскі педагагічны інстытут у 1937 годзе, дзе ў 1948—1956 гг. загадвала кафедрай беларускай мовы^[1]. З 1956 г. — у Інстытуце мовазнаўства НАН Беларусі. Займалася дыялекталогіяй і гісторыяй беларускай мовы.

Навуковая дзейнасць

Аўтар падручніка для 6-га класа «Родная літаратура» (1—16 выд., 1945—1960), сааўтар прац «Дыялекталагічны атлас беларускай мовы» (1963), «Нарысы па беларускай дыялекталогіі» (1964) і іншых^[1].

Бібліяграфія

• Да пытання аб фарміраванні нацыянальнай літаратурнай беларускай мовы. — Мн., 1958
• Ненаціскны вакалізм народных гаворак Беларусі. — Мн., 1968

Узнагароды

Дзяржаўная прэмія СССР 1971 года за ўдзел у комплексе прац па беларускай лінгвагеаграфіі^[1].

Зноскі

1. Войтович Нина Трофимовна // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 120. — 737 с.