Ніна Ціханаўна Фральцова

Ніна Ціханаўна Фральцова (24 ліпеня 1944, Арэхава-Зуева, Маскоўская вобласць, РСФСР — 19 сакавіка 2025^[1], Мінск, Беларусь) — беларуская журналістка, кіназнаўца. Доктар філалагічных навук (2003), кандыдат мастацтвазнаўства (1974), прафесар (2005).

Ніна Ціханаўна Фральцова
Дата нараджэння	24 ліпеня 1944(1944-07-24)
Месца нараджэння	Арэхава-Зуева, Арэхава-Зуеўскі раён[d], Маскоўская вобласць, РСФСР, СССР
Дата смерці	19 сакавіка 2025(2025-03-19) (80 гадоў)
Месца смерці	Мінск, Беларусь
Грамадзянства	СССР  Беларусь
Род дзейнасці	вучоная, выкладчыца ўніверсітэта
Месца працы	факультэт журналістыкі БДУ
Навуковая ступень	доктар філалагічных навук (2003) і кандыдат мастацтвазнаўства (1974)
Альма-матар	факультэт журналістыкі БДУ (1967)
Узнагароды	Нагрудны знак «За ўклад у развіццё культуры Беларусі» (2003) выдатнік друку Беларусі[d] (2005)

Біяграфія

У 1967 годзе скончыла факультэт журналістыкі Беларускага дзяржаўнага ўніверсітэта па спецыяльнасці «Журналістыка».

Працавала ў Беларускім дзяржаўным універсітэце (з 1975, Інстытут журналістыкі, кафедра тэорыі і метадалогіі журналістыкі, прафесар).

Навуковыя інтарэсы: тэорыя і метадалогія журналістыкі і сродкаў масавай камунікацыі.

Узнагароды

• Нагрудны знак Міністэрства культуры Рэспублікі Беларусь «За ўклад у развіццё культуры Беларусі» (2003),
• нагрудны знак Міністэрства інфармацыі Рэспублікі Беларусь «Выдатнік друку Беларусі» (2005),
• ганаровая грамата Савета Міністраў Рэспублікі Беларусь (2021) — за шматгадовую плённую навукова-педагагічную дзейнасць, значны асабісты ўклад у падрыхтоўку высокакваліфікаваных спецыялістаў работнікаў Беларускага дзяржаўнага ўніверсітэта^[2].