Ніна Мікалаеўна Юдзеніч

Ніна Мікалаеўна Юдзе́ніч (22 снежня 1924, Ташкент — 22 студзеня 2010^[1]) — беларускі музыказнавец, педагог. Кандыдат мастацтвазнаўства (1954).

Ніна Мікалаеўна Юдзеніч
Дата нараджэння	22 снежня 1924(1924-12-22)
Месца нараджэння	Ташкент, Ташкенцкі павет[d], Сырдар’інская вобласць, Кіргізская АССР[d], РСФСР, СССР
Дата смерці	22 студзеня 2010(2010-01-22) (85 гадоў)
Грамадзянства	СССР  Беларусь
Род дзейнасці	музыказнавец, педагог
Навуковая сфера	музыказнаўства і педагогіка
Месца працы	Ташкенцкая дзяржаўная кансерваторыя[d] Беларуская дзяржаўная акадэмія музыкі
Навуковая ступень	кандыдат мастацтвазнаўства (1954)
Альма-матар	Ленінградская дзяржаўная кансерваторыя (1949)
Член у	Беларускі саюз кампазітараў

У Вікіпедыі ёсць артыкулы пра іншых людзей з прозвішчам Юдзеніч.

Біяграфія

Скончыла ў 1944 годзе Ленінградскае музычнае вучылішча, у 1949 годзе Ленінградскую кансерваторыю (клас Х. С. Кушнарова). У 1950—1951 гадах выкладала ў Ташкенцкай кансерваторыі гісторыю савецкай музыкі і фальклор. У 1951—1954 гг. вучылася ў аспірантуры Ленінградскага НДІ тэатра і музыкі, тэма кандыдацкай дысертацыі: «Руская гераічная рэвалюцыйная песня і яе традыцыі ў савецкай музыцы» (1954). З 1954 года выкладала на кафедры тэорыі музыкі Ташкенцкай кансерваторыі, з 1964 года дацэнт. Член музыказнаўчай секцыі Саюза кампазітараў Узбекістана (1961)^[1].

У 1965—2001 гадах у Беларускай кансерваторыі выкладала аналіз музычных твораў, методыку выкладання аналізу музычных твораў, гісторыю музычна-тэарэтычных сістэм, гармонію, спецклас, з 1995 года прафесар. Член музыказнаўчай секцыі Саюза кампазітараў БССР^[1].

Навуковая дзейнасць

Аўтар навуковых прац пераважна па праблемах натуральна-ладавай гармоніі, жанру і формы ў творчасці класікаў замежнай, рускай і сучаснай музыкі, артыкулаў па беларускай музычнай культуры, у т.л. пра творчасць беларускіх кампазітараў і музыказнаўцаў Л. Абеліёвіча, Г. Гарэлавай, У. Дарохіна, Л. Захлеўнага, Л. Мухарынскай, В. Сярых, Э. Тырманд, Л. Шлег і інш^[2].

Творы

• О натурально-ладовой гармонии. Мн., 1966;
• Статьи по музыкальному искусству. Мн., 1976.

Зноскі

1. Сильнейшая духом: Нина Николаевна Юденич(недаступная спасылка)
2. БелЭн 2004.