Опліса (возера)

У гэтага тапоніма ёсць і іншыя значэнні, гл. Опліса.

О́пліса, Оплеса — возера ў Браслаўскім раёне ў басейне ракі Друйка, за 16 км на паўночны ўсход ад горада Браслаў, каля вёсак Опліса 1 і Опліса 2.

Опліса
Морфаметрыя
Вышыня над узроўнем мора	163,4 м
Даўжыня	1 км
Шырыня	0,56 км
Плошча	0,31 км²
Аб’ём	0,00054 км³
Даўжыня берагавой лініі	3 км
Найбольшая глыбіня	4,9 м
Басейн
Плошча вадазбору	5,5 км²
Размяшчэнне
Краіна	Беларусь
Рэгіён	Віцебская вобласць
Опліса
Опліса

Плошча возера складае 0,31 км². Найбольшая глыбіня 4,9 м. Даўжыня 1 км. Найбольшая шырыня 0,56 км. Даўжыня берагавой лініі 3 км. Аб’ём вады 0,54 млн м³. Плошча вадазбору 2,1 (5,5^[1]) км².
Катлавіна возера тэрмакарставага тыпу. Схілы катлавіны вышынёй 7—12 м, спадзістыя, разараныя, на ўсходзе пад хмызняком. Берагі зліваюцца са схіламі катлавіны, на поўдні і ўчасткамі на ўсходзе і захадзе забалочаныя. Упадае ручай з возера Глыбошчына, выцякае ручай Плесавіца^[1] — правы прыток ракі Друйка.

Зноскі

1. Энцыклапедыя прыроды Беларусі. У 5-і т. Т.4. Недалька — Стаўраліт / Рэдкал.: І. П. Шамякін (гал. рэд.) і інш. — Мн.: БелСЭ, 1985. — Т. 4. — 599 с. — 10 000 экз.