Пабла Іглесіяс

Пабла Іглесіяс Посэ (ісп.: Pablo Iglesias Posse; 18 кастрычніка 1850, Фероль — 9 снежня 1925, Мадрыд) — іспанскі палітычны дзеяч, заснавальнік Іспанскай сацыялістычнай рабочай партыі і сацыялістычнага прафсаюза «Усеагульны саюз працоўных».

Пабла Іглесіяс
ісп.: Pablo Iglesias Posse
1889 — 1925
Старшыня Іспанскай сацыялістычнай рабочай партыі
Нараджэнне	18 кастрычніка 1850(1850-10-18)[1][2][…] Фероль, правінцыя Ла-Карунья, Галісія, Іспанія
Смерць	9 снежня 1925(1925-12-09)[3][1][…] (75 гадоў) Мадрыд, правінцыя Мадрыд[d], Кастылья-ла-Нуэва, Іспанія[4]
Месца пахавання	Mausoleum of Pablo Iglesias[d][5] Мадрыдскія цывільныя могілкі[d]
Імя пры нараджэнні	ісп.: Pablo Iglesias Posse
Жонка	Amparo Meliá[d][6]
Партыя	Іспанская сацыялістычная працоўная партыя
Член у	Усеагульны саюз працоўных
Месца працы	Acción Socialista[d][7]
Аўтограф
Медыяфайлы на Вікісховішчы

Біяграфія

Пабла Іглесіяс вырас у вельмі беднай сям’і. У 1859 годзе яго маці Хуана Посэ пераехала з Пабла і яго малодшым братам Мануэлем у Мадрыд. Беднасць прымусіла Хуану Поссе здаць Пабла ў прытулак. Навучыўся прафесіі друкарскага наборшчыка, а таксама вывучаў французскую мову ў вячэрняй школе.

Пабла падвяргаўся пераследам за сваю дзейнасць у Інтэрнацыянале ў 1869-1875 гадах. У 1870 годзе ён быў абраны старшынёй аб’яднання друкароў і заняўся падрыхтоўкай да стварэння новай сацыялістычнай рабочай партыі. Іспанская сацыялістычная рабочая партыя была створана 2 мая 1879 года, сярод яе заснавальнікаў былі 16 наборшчыкаў, чатыры лекара, два ювеліра, адзін каменячос і адзін шавец.

У 1888 годзе Іглесіяс заснаваў прафсаюз «Усеагульны саюз працоўных» і стаў яго старшынёй у 1889 годзе. У тым жа годзе Пабла Іглесіяс прыняў удзел ва ўстаноўчым з’ездзе Другога Інтэрнацыяналу. 1 мая 1890 года ён узначальваў першую ў Іспаніі майскую демонстрацыю, патрабаваннямі якой былі васьмігадзінны рабочы дзень і адмена дзіцячай працы.

Пасля смерці цела Пабла Іглесіяса было забальзамавана, яго пахаванне сабралі больш за 150 тысяч чалавек.