Павел Францішак Сапега

У Вікіпедыі ёсць артыкулы пра іншых асоб з падобнымі імёнамі, гл. Сапега і Павел Сапега.

Павел Францішак Сапега (да 23 красавіка 1657 — 1 кастрычніка 1715, Кодзень) — вялікалітоўскі рэлігійны дзеяч. Сакратар вялікі літоўскі (1704—1713^[5]), біскуп жамойцкі (1715).

Павел Францішак Сапега
польск.: Paweł Franciszek Sapieha
Павел Францішак Сапега
Герб «Ліс»
4-ы сакратар вялікі духоўны літоўскі 18 красавіка 1704 — 1713
Папярэднік	Ян Згерскі
Пераемнік	Міхал Геранім Анцута[d]
біскуп жамойцкі з 21 студзеня 1715
Дыяцэзія	Жамойская дыяцэзія
Папярэднік	Ян Згерскі
Пераемнік	Аляксандр Мікалай Гараін
Нараджэнне	23 красавіка 1657(1657-04-23)[1] ці 1656[2]
Смерць	1 кастрычніка 1715(1715-10-01)[3][1] Кодзень, Берасцейскі павет, Берасцейскае ваяводства, Вялікае Княства Літоўскае
Месца пахавання	базіліка Святой Ганны ў Кодані[d]
Род	Сапегі
Бацька	Ян Фрыдэрык Сапега[d][1]
Маці	Канстанцыя з Гербутаў
Веравызнанне	Каталіцкая Царква[4]
Адукацыя	Львоўскі езуіцкі калегіум[d] Варшаўскі езуіцкі калегіум[d]
Медыяфайлы на Вікісховішчы

Біяграфія

З кодзенскай лініі магнацкага роду Сапегаў герба «Ліс», сын Яна Фрыдэрыка і Канстанцыі з Гербутаў. Меў братоў Казіміра Уладзіслава і Мікалая Леана.

Вучыўся ў езуіцкіх калегіумах у Львове і Варшаве. Працягваў адукацыю ў Заходняй Еўропе, наведаў Італію, Францыю, Нідэрланды і Германію. У 1679 вярнуўся ў Літву.

Як палкоўнік у 1683 удзельнічаў у выправе войска Вялікага Княства Літоўскага ў Славакію і Венгрыю на дапамогу Вене. У 1684 адмовіўся ад ваеннай кар'еры і ўступіў у духоўны стан. У 1686 высвечаны на святара. З 1686 быў пробашчам у Кодні. Працяглы час знаходзіўся пры двары караля і вялікага князя, атрымаў у 1690 тытул каноніка варшаўскага, ад якога адмовіўся ў 1699.

У прысягнуў 1702 Аўгусту Моцнаму, ад якога атрымаў у 1704 урад сакратара вялікага літоўскага. Пад націкам радзіны ўлетку 1707 часова перайшоў на бок Станіслава Ляшчынскага. Высвечаны на біскупа жамойцкага 21 студзеня 1715^[6].

Пахавалі біскупа ў касцёле Святой Ганны ў Кодні^[7].

Зноскі

1. Гісторыя Сапегаў : жыццяпісы, маёнткі, фундацыі — Мн.: Віктар Хурсік, 2017. — С. 96. — 586 с. — ISBN 978-985-7025-75-6

   <a href='https://wikidata.org/wiki/Track:Q122382124'></a>
2. Dr. Constant v. Wurzbach Sapieha, Paul // Biographisches Lexikon des Kaiserthums Oesterreich: enthaltend die Lebensskizzen der denkwürdigen Personen, welche seit 1750 in den österreichischen Kronländern geboren wurden oder darin gelebt und gewirkt haben — Wien: 1856. — Т. 28. — S. 240.

   <a href='https://wikidata.org/wiki/Track:Q25856'></a><a href='https://wikidata.org/wiki/Track:Q665807'></a><a href='https://wikidata.org/wiki/Track:Q89755467'></a>
3. Paweł Franciszek (w zakonie Bernard) Sapieha // Internetowy Polski Słownik Biograficzny

   <a href='https://wikidata.org/wiki/Track:Q96022943'></a>
4. Catholic-Hierarchy.org — USA: 1990. Праверана 22 кастрычніка 2020.

   <a href='https://wikidata.org/wiki/Track:Q30'></a><a href='https://wikidata.org/wiki/Track:Q3892772'></a>
5. Urzędnicy centralni i dygnitarze Wielkiego Księstwa Litewskiego XIV—XVIII wieku. Spisy / Oprac. Henryk Lulewicz i Andrzej Rachuba. — Kórnik, 1994. S. 239.
6. Hierarchia Catholica medii et recentioris aevi. T. V. — Patavii, 1952. S. 343.
7. Sapieha E., Saeed-Kałamajska M. Dom Sapieżyński. cz. 2. — Warszawa: Wydawn. Nauk. PWN, 2008. S. 201.