Падгорнаўскі сельсавет

Падго́рнаўскі сельсавет — адміністрацыйна-тэрытарыяльная адзінка ў складзе Баранавіцкага раёна Брэсцкай вобласці. Адміністрацыйны цэнтр — вёска Падгорная.

Падгорнаўскі сельсавет
Краіна	Беларусь
Уваходзіць у	Баранавіцкі раён
Уключае	4 населеныя пункты
Адміністрацыйны цэнтр	Падгорная
Дата ўтварэння	12 кастрычніка 1940
Насельніцтва (2019)	650
Плошча	192,54 км²
Часавы пояс	+2
Код аўтам. нумароў	1
Афіцыйны сайт

Гісторыя

Утвораны 12 кастрычніка 1940 года як Гавінавіцкі сельсавет у складзе Быценскага раёна Баранавіцкай вобласці БССР. Цэнтр — вёска Гавінавічы. З 8 студзеня 1954 года ў складзе Брэсцкай вобласці. З 14 кастрычніка 1957 года сельсавет у складзе Баранавіцкага раёна^[1]. 30 ліпеня 1964 года цэнтр сельсавета, вёска Гавінавічы, атрымала назву Падгорная^[2]. 1 жніўня 1964 года Гавінавіцкі сельсавет перайменаваны ў Падгорнаўскі^[3]. На 1 студзеня 1974 года ў склад Падгорнаўскага сельсавета ўваходзілі 4 населеныя пункты^[4].

Насельніцтва

Насельніцтва сельсавета паводле перапісу 2009 года — 1000 чалавек^[5], з іх 94,6 % — беларусы, 2,9 % — рускія, 1,7 % — палякі^[6]; паводле перапісу 2019 года — 650 чалавек^[7].