Падмасамбхава

Падмасамбха́ва (санскр.: पद्मसंभव; каля 717 — 762 гг.), таксама гуру Рынпачэ́ (тыб.: པདྨ་འབྱུང་གནས།) — індыйскі будысцкі філосаф, адзін з распаўсюджвальнікаў напрамку ваджраяна ў Тыбеце. У тыбецкім будызме разглядаецца як адно з увасабленняў Буды.

Падмасамбхава
тыб.: པད་མ་འབྱུང་གནས་
Дата нараджэння	717[1]
Месца нараджэння	Удыяна
Дата смерці	762[1]
Род дзейнасці	бхікшу
Кірунак	ваджраяна
Перыяд	сярэднявечча
Асноўныя інтарэсы	тэалогія, філасофія
Вядомыя вучні	Nyak Lotsawa Yeshe Shyönnu[d][2], Khar Chen Pal Gyi Wangchuk[d][2], Yudra Nyingpo[d][2], balpobha sudhara[d][2], A Tsar Yeshe Yang[d][2], Denma Tsemang[d][2], Namkha Nyingpo[d][2], Трысонг Дэцэн[d][2], Namkhai Nyingpo[d][2], Sokpo Pelgyi Yeshe[d][2], Lang Pelgyi Sengge[d][2], Langdro Konchok Jungne[d][2], Vairocana[d][2], Khyé'u Chung Lotsawa[d][2], Gyelwai Lodro[d][2], Lasum Gyelwa Jangchub[d][2], Lhalung Pelgyi Dorje[d][2], Pal Gyi Sengé[d][2], Gyelwa Chokyang[d][2], Kawa Peltsek[d][2], Nubchen Sanggye Yeshe[d][2], Ma Rinchen Chok[d][2], Dorje Dudjom[d][2], སྣ་ནམ་བཙུན་པ་ཡེ་ཤེས་སྡེ།[d][2], Yeshe Tsogyel[d][2] і Odren Pelgyi Wangchuk[d][2]
Медыяфайлы на Вікісховішчы

Біяграфія

Лічыцца, што нарадзіўся ў краіне Удыяна, якая на думку большасці сучасных даследчыкаў месцілася ў горнай мясцовасці на поўначы сучаснага Пакістана. Быў знойдзены мясцовым валадаром у кветке лотаса, таму і атрымаў сваё імя, якое значыла «народжаны ў лотасе». Выхоўваўся пры двары, але жадаў прысвяціць сваё жыццё духоўным пошукам. Падчас выканання сакральнага танца выпадкова забіў сына аднаго з прыдворных і быў выгнаны. Жыў на могілках, дзе займаўся духоўнымі практыкаваннямі, асвоіў ёгу, пазнаёміўся з вучэннем ваджраяны. Ужо да місіянерскай дзейнасці ў Тыбеце стаў знакамітым. Згодна паданню, валадар краіны Манды на тэрыторыі Хімачал-Прадэш быў раз'юшаны каханнем яго дачкі да філосафа-жабрака і прыняў рашэнне пакараць Падмасамбхаву смерцю, але алей, які прынеслі для яго спалення, ператварыўся ў свяшчэннае возера Рэвалсар.

У 749 г. быў запрошаны ў Тыбет валадаром Трысонгам Дэцэнам, калі тыбецкія дэманы запярэчылі будаўніцтву будысцкага кляштара. Падмасамбхава здолеў падначаліць іх і зрабіць сваімі памагатымі. Заснаваў каля Лхасы першы ў Тыбеце будысцкі кляштар Сам’е. Меў 25 вучняў, галоўным з якіх быў сам Трысонг Дэцэн. Наведваў розныя куты Тыбета і захоўваў там святыні, пазней 108 святынь былі знойдзеныя манахамі ньінгма. Вучаніца Ешэ Цаг’ял занатоўвала яго выказванні. Пасля заканчэння місіі ў Тыбеце паехаў на мяжу з Непалам, адкуль узнёсся на неба.

Спадарожніцы

У Падмасамбхавы было 5 тантрычных спадарожніц. Іх называюць «дакіні мудрасці» (гл. Рэлігія тыбетцаў) і «пяць умілаваных». Іх імёны:

• Мандарава Захора, князёўна з краіны Манды на тэрыторыі сучаснага штата Хімачал-Прадэш
• Белвонг Каласідхі — сірата, выхаваная Мандаравай
• Шак’я Дэві, князёўна з Непала, выгадаваная дзякуючы малаку малпаў
• Ешэ Цаг’ял, тыбецкая князёўна з роду Харчэн, жонка валадара Трысонга Дэцэна
• Ташы К’едрэн — жанчына-качэўніца з Гімалаяў

Праявы

У тыбецкай традыцыі Падмасамбхава мае 8 праяў:

• Гуру Ург’ен Даржэ Ченг
• Гуру Шак’я Сэнгэ
• Гуру Пема Г’ял-по
• Гуру Падмасамбхава
• Гуру Ладэн Чаксеэ
• Гуру Ньіма Одзэр
• Гуру Даржэ Драло
• Гуру Сэнгэ Дралог

Зноскі

1. VIAF — [Dublin, Ohio]: OCLC, 2003. Праверана 25 мая 2018.

   <a href='https://wikidata.org/wiki/Track:Q54919'></a><a href='https://wikidata.org/wiki/Track:Q54837'></a><a href='https://wikidata.org/wiki/Track:Q988937'></a>
2. Buddhist Digital Archives — Buddhist Digital Resource Center. Праверана 9 мая 2021.

   <a href='https://wikidata.org/wiki/Track:Q30324366'></a><a href='https://wikidata.org/wiki/Track:Q118954234'></a>