Падуздышная косць

Падуздышная косць (лац.: os ilium) — парная косць, найбуйнейшая з трох касцей, якія фарміруюць лагвовую косць. Праз падуздышную косць лагвовая косць сучляняецца з хрыбетнікам.

Падуздышная косць
лац.: os ilium
Верхняя частка падуздышнай косці пазначана чырвоным
Падуздышныя косці ў шкілеце чалавека
Каталогі
MeSH MeSH FMA TA98
Медыяфайлы на Вікісховішчы

Падуздышная косць сваім ніжнім аддзелам, які называецца целам (лац.: corpus ossis ilii), зліваецца з целамі астатніх касцей; верхняя, пашыраная і тонкая частка ўтварае крыло падуздышнай косці (лац.: ala ossis ilii), верхні S-падобны выгнуты край, які называюць грэбенем (лац.: crista iliaca). Спераду ён сканчваецца пярэдняй верхняй восцю (лац.: spina iliaca anterior superior), а ззаду — задняй верхняй восцю (лац.: spina iliaca posterior superior). Ніжэй за кожную з гэтых восцяў на пярэднім і заднім краях крыла маецца яшчэ па восці (лац.: spina iliaca anterior inferior і spina iliaca posterior inferior). Ніжэй за заднюю ніжнюю восць ляжыць глыбокая вялікая сядальная выразка (лац.: incisura ischiadica major), абмежаваная знізу сядальнай восцю (лац.: spina ischiadica), размешчанай ужо на сядальнай косці. Унутраная паверхня крыла падуздышнай косці гладкая, увагнутая і ўтварае падуздышную ямку (лац.: fossa iliaca). Назад і ўніз ад апошняй ляжыць так званая вушкападобная сустаўная паверхня (лац.: facies auricularis) — месца сучлянення з аднайменнай паверхняй крыжа, а ззаду і ўверх ад сустаўнай паверхні знаходзіцца грудаватасць (лац.: tuberositas iliaca), да якой мацуюцца звязкі. Падуздышная ямка аддзелена ад унутранай паверхні ніжэйлеглага цела падуздышнай косці дугападобнай лініяй (лац.: linea arcuata)^[1].

Галерэя

• 
  Падуздышныя косці ў шкілеце лагва чалавека пазначаны чырвоным
• 
  Падуздышныя грабяні правай і левай падуздышных касцей
• 
  Падуздышныя грабяні ў плане, від зверху
• 
  У хударлявых людзей частка падуздышных грабянёў бачная праз скуру
• 
  Падуздышныя грудкі правай і левай падуздышных касцей
• 
  Дугападобныя лініі правай і левай падуздышных касцей
• 
  Пярэднія верхнія падуздышныя восці правай і левай падуздышных касцей
• 
  Пярэдняя ніжняя падуздышная восць правай падуздышнай косці
• 
  Заднія верхнія падуздышныя восці правай і левай падуздышных касцей
• 
  Праекцыі на паверхні цела задніх верхніх падуздышных восцяў
• 
  Задняя ніжняя падуздышная восць правай падуздышнай косці
• 
  Вялікая сядальная выразка правай лагвовай косці
• 
  Крыжава-лагвовая паверхня правай падуздышнай косці
• 
  Падуздышная ўзгорыстасць правай падуздышнай косці
• 
  Сустаўная вушкападобная паверхня правай падуздышнай косці
• 
  Падуздышная ямка правай падуздышнай косці