Пакаленне Калумбаў

Пакаленне Калумбаў (польск.: Pokolenie kolumbów), таксама вядомае як пакаленне часу бур і пакаленне спраўджанага Апакаліпсісу (pokolenie «czasu burz» i «apokalipsy spełnionej») — назва пакалення польскіх пісьменнікаў, якія нарадзіліся каля 1920 г. і чыё сталенне прыпала на гады 2-й сусветнай вайны. Вайна ў значнай ступені сфармавала іх свядомасць і ідэнтычнасць. Многія з іх загінулі падчас нямецкай акупацыі Польшчы і Варшаўскага паўстання (1944).

Маладыя людзі з пакалення Калумбаў бралі актыўны ўдзел у супраціве нямецкім акупантам цягам акупацыі і Варшаўскага паўстання. Найменне «пакаленне Калумбаў» паходзіць ад назвы кнігі Рамана Братнага «Калумбы. Год дваццаты». Характэрныя тэмы і матывы творчасці прадстаўнікоў гэтага пакалення — катастрафізм, крызіс каштоўнасцяў, месца чалавека ў свеце, напоўненым жорсткасцю і бедствамі.

Прадстаўнікі пакалення Калумбаў

• Кшыштаф Каміль Бачыньскі
• Уладзіслаў Барташэўскі
• Міран Бялашэўскі
• Тэрэза Багуслаўска
• Вацлаў Баярскі
• Тадэвуш Бароўскі
• Раман Братны
• Ольгерд Будрэвіч
• Ежы Фіцоўскі
• Тадэвуш Гайцы
• Збігнеў Герберт
• Густаў Герлінг-Грудзіньскі
• Крыстына Крахэльска
• Станіслаў Лем
• Войцех Мэнцэль
• Уладзімеж Петшак
• Ян Рамоцкі
• Тадэвуш Ружэвіч
• Станіслаў Сташэўскі
• Здзіслаў Страіньскі
• Анджэй Тшэбіньскі
• Анджэй Шчыпёрскі
• Віслава Шымборска
• Юзаф Шчэпаньскі

Зноскі