Пакрокавая стратэгія

Пакрокавая стратэгія (англ.: turn-based strategy, TBS) — від стратэгічных гульняў, які супрацьпастаўляецца стратэгіям у рэальным часе (RTS). З’яўляецца відам як для камп’ютарных, так і для настольных гульняў.

The Battle for Wesnoth — прыклад пакрокавай стратэгіі з адкрытым зыходным кодам.

Адрозніваецца ад стратэгіі ў рэальным часе тым, што тут ёсць вызначаны парадак дзеянняў — хады, якія сапернікі выконваюць па чарзе.

Самы яскравы прыклад пакрокавай стратэгіі — шахматы.