Палаца-паркавы ансамбль (Грозава)

Палаца-паркавы ансамбль Мержыеўскіх — помнік архітэктуры класіцызму ў аграгарадку Грозава (Капыльскі раён, Мінская вобласць, Беларусь). Да 1863 года Грозава належала Мержыеўскім, пазней — Вітгенштэйнам.

Сядзіба на акварэлі Н. Орды

Палацава-паркавы ансамбль
Палацава-паркавы ансамбль у Грозаве
53°10′01,14″ пн. ш. 27°19′49,26″ у. д.HGЯO
Краіна	Беларусь
Аграгарадок	Грозава
Архітэктурны стыль	класіцызм
Дата заснавання	1750
Будынкі
палац • амбар • маслабойня
Медыяфайлы на Вікісховішчы

У палацы размяшчалася школа. На 2012 год будынак закрыты на рэканструкцыю.

Архітэктура

Стан маёнтка на 2012 год

Палац — мураваны двухпавярховы будынак з вальмавым дахам. Цэнтр сіметрычна-восевай кампазіцыі падкрэслены чатырохкалонным порцікам з пандусам на галоўным і глыбокім рызалітам на дваровым фасадах (на акварэлі Н. Орды 1864—1876 гг. таксама меў чатырохкалонны порцік). Да заходняга тарца палаца далучаная аднапавярховая службовая прыбудова. Пластыка фасадаў ствараецца прафіляванымі цягамі, ліштвамі прамавугольных акон і дзвярэй, лапаткамі і рустам па вуглах будынку. Планіроўка анфіладна-калідорная з цэнтральнай групай парадных памяшканняў і вялікім вестыбюлем з двухбаковай лесвіцай. Пад будынкам скляпеністыя сутарэнні.

З боку дваровага фасада на схіле ўзгорку быў разбіты парк (не захаваўся).

Літаратура

• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.

Спасылкі

• На Вікісховішчы ёсць медыяфайлы па тэме Палаца-паркавы ансамбль (Грозава)
• Палаца-паркавы ансамбль (Грозава) на сайце Radzima.org
• Палаца-паркавы ансамбль (Грозава) на сайце Глобус Беларусі (руск.)