Палаца-паркавы ансамбль (Юрцава)

Сядзіба Любамірскіх — помнік сядзібна-паркавай архітэктуры гістарызму. Размешчаны на ўсходняй ускраіне в. Юрцава Аршанскага раёна, на правым беразе р. Скунья.

Палаца-паркавы ансамбль
Сядзіба Любамірскіх
54°36′14,25″ пн. ш. 30°22′21,77″ у. д.HGЯO
Краіна	Беларусь
Вёска	Юрцава
Архітэктурны стыль	гістарызм
Дата заснавання	другоя палова XIX стагоддзя
Медыяфайлы на Вікісховішчы

Гісторыя

Палац Любамірскіх у Юрцаве, акварэль Н. Орды, 1877

Сфарміраваны ў другой палове XIX стагоддзя ў фальварку Кацішын, які належаў К. Любамірскаму, пазней Я. Грабоўскаму.

Доўгі час у сядзібе змяшчаўся Рэспубліканскі шпіталь інвалідаў Другой сусветнай вайны.

Архітэктура

Сядзіба Любамірскіх

Уяўляў сабой вялікі архітэктарскі ансамбль інтэрпрэтаваных формаў сярэдневяковага палацава-замкавай архітэктуры. Галоўны фасад сіметрычнай дзевяцівосевай кампазіцыі фланкіраваны глыбокімі рызалітамі з буйнымі кутнімі пілонамі і вылучаны ў цэнтры ганкам. З панадворку фланкіраваны моцнымі васьміграннымі вежамі, якія былі завершаны зубчастымі парапетамі. Берагавы нахіл мясцовасці раскрывае цокальны паверх, члянёны аконнай аркатурай, першы паверх з арачнымі вокнамі ў гатычных стральчатых нішах, другі — з прамавугольнымі вокнамі ў арачных нішах з клінападобнымі перамычкамі. Плоскасныя фасады будынку апяразаныя прафіляваным карнізам з аркатурным фрызам — адзіным элементам архітэктарскага дэкору. Планіроўка калідорная са скляпеністымі перакрыццямі памяшканняў цокальнага паверху. На кожным паверсе вуглавых вежаў размешчаныя круглыя ў плане залы.

Літаратура

• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.

Спасылкі

• На Вікісховішчы ёсць медыяфайлы па тэме Палаца-паркавы ансамбль (Юрцава)
• Палаца-паркавы ансамбль (Юрцава) на сайце Radzima.org
• Палаца-паркавы ансамбль (Юрцава) на сайце Глобус Беларусі (руск.)
• Палаца-паркавы ансамбль (Юрцава) на сайце «Архіварта»