Памукале

Памукале́ (турэцк.: Pamukkale, літар. «баваўняная крэпасць») — тэрмальныя крыніцы (тэмпература каля 30°) ў Турцыі ў правінцыі Дэнізлі.

Памукале*
Hierapolis-Pamukkale**
Сусветная спадчына ЮНЕСКА
Тып	Змешаны
Крытэрыі	ii, iv, vii
Спасылка	485
Рэгіён***
Гісторыя ўключэння
Уключэнне	1988  (12 сесія)
* Міжнародная канвенцыя «ЮНЕСКА» ** Назва ў афіцыйным англ. спісе *** Рэгіён па класіфікацыі ЮНЕСКА

Вада, якая сцякае са схілаў гары, утварае сістэму дзівосных вадаёмаў з вапнавымі сценкамі (траверцінамі). Бліскучыя белыя тэрасы ўзніклі на схіле гары ў выніку адкладання солей з насычаных кальцыем крыніц. Курортная мясцовасць з часоў антычнасці. У 1988 Памукале і руіны горада Іерапаля ўключаны ў спіс Сусветнай спадчыны ЮНЕСКА.