Папялёўскі сельсавет

Папялё́ўскі сельсавет — былая адміністрацыйна-тэрытарыяльная адзінка ў складзе Пружанскага раёна Брэсцкай вобласці. Цэнтр — вёска Папялёва.

Папялёўскі сельсавет
Краіна	Беларуская ССР
Уваходзіў у	Пружанскі раён
Уключаў	16 населеных пунктаў
Адміністрацыйны цэнтр	Папялёва
Дата ўтварэння	12 кастрычніка 1940
Дата скасавання	11 чэрвеня 1962

Утвораны 12 кастрычніка 1940 года ў складзе Шарашоўскага раёна Брэсцкай вобласці БССР. З 17 снежня 1956 года ў Пружанскім раёне. 11 чэрвеня 1962 года скасаваны, тэрыторыя далучана да Сухопальскага (Боркі, Ваўкаўня, Выбрады, Вялікі Краснік, Глыбанец, Глыбокі Кут, Дзітаветчына, Калядзізна, Малы Краснік, Нарва, Папялёва, Пеняжкі, Рудаўка, Сявец) і Роўбіцкага (Нікар і Хвойнік) сельсаветаў^[1].

На момант скасавання ў склад сельсавета ўваходзілі 16 населеных пунктаў.