Парк імя Першага мая (Брэст)

Парк культуры і адпачынку — гарадскі парк у Брэсце.

Ніжняе возера ў парку

Верхняе возера ў парку

Створаны ў 1906 годзе салдатамі дыслакаванага ў горадзе Лібаўскага палка Рускай імператарскай арміі. Спачатку парк займаў плошчу 4 га. Станам на 2021 год плошча больш за 20 га, найвялікшы парк у Брэсце, у ім дзясяткі рэдкіх для гэтай часткі Еўропы відаў дрэваў, напрыклад, платан, тамарыск, вяз, елка сорту 'Virgata' і серпенцін.

Са студзеня 1941 года меў назву Парк культуры і адпачынку імя 1-га Мая і быў адкрыты 1 мая 1941 года. З чэрвеня 2001 года называецца Паркам культуры і адпачынку.

Зведаў татальную рэканструкцыю да 100-гадовага юбілею ў 2006, якая пачалася ў 2004 годзе і доўжылася два гады. 16 кастрычніка 2004 года парк часткова адкрыты пасля першага этапу рэканструкцыі. У 2006 годзе рэканструкцыя завершана і парк цалкам адкрыты 1 мая 2006 года для наведвання пад афіцыйнай назвай Парк імя Першага мая.

У парку ёсць вялікі дыскабар, шахматна-шашачны клуб, сцэна пад адкрытым небам, пляцоўкі з атракцыёнамі і дзве сажалкі — Верхняе возера і Ніжняе возера. Сажалкі злучаны каналам, па якім вада павольна цячэ з Верхняга возера ў Ніжняе. У Верхнім возеры ёсць два фантаны, а праз берагі канала перакінуты масткі. Яшчэ адзін мост злучае востраў у цэнтры Верхняга возера з берагам. Вакол пляцовак каля сажалак металічныя агароджы.

Спасылкі

• На Вікісховішчы ёсць медыяфайлы па тэме Парк імя Першага мая
• Фота парка
• Архівавана 25 ліпеня 2011.
• Фота з адкрыцця парка