Парламенцкія выбары ў Даніі (2011)

Парламенцкія выбары ў Даніі прайшлі 15 верасня 2011 года.

Былі выбраны 179 дэпутатаў Фолькетынга — 175 ад уласна Даніі, па 2 ад Фарэрскіх астравоў і Грэнландыі. 135 дэпутатаў абіраюцца прапарцыйным галасаваннем у 10 выбарчых акругах (месцы размяркоўваюцца па метаду д'Онта), яшчэ 40 месцаў раўнамерна размяркоўваюцца для адлюстравання адэкватнай карціны пераваг выбаршчыкаў (месцы размяркоўваюцца па метаду Сент-Лагю). Выбарчы бар'ер для праходжання ў парламент складае 2% галасоў.

Вынікі

Па папярэдніх даных, па выніках выбараў лідыруе апазіцыйная кааліцыя (Сацыял-дэмакратычная партыя, Сацыяльна-ліберальная партыя, Сацыялістычная народная партыя і Чырвона-зялёная кааліцыя)^[1]. Адпаведна, новым прэм'ер-міністрам Даніі можа стаць Хеле Торнінг-Шміт. Аднак па выніках выбараў у самой Даніі «Чырвоная кааліцыя» атрымала 89 месцаў, у той час як для кантролю над Фолькетынгам патрабуецца 90 дэпутацкіх месцаў. Адпаведна, вырашальнай для фарміравання левацэнтрысцкага ўрада стане пазіцыя фарэрскіх і грэнландскіх дэпутатаў.

Вынікі галасавання ў Даніі
Партыя; удзел у кааліцыях[2]		Галасоў[3]	Месцаў	Δ
Венстрэ	С	948 291 (26,7%)	47	▲ 1
Сацыял-дэмакраты	Ч	881 534 (24,9%)	44	▼ 1
Дацкая народная партыя	С	436 335 (12,3%)	22	▼ 3
Сацыяльна-ліберальная партыя	Ч	336 149 (9,5%)	17	▲ 8
Сацыялістычная народная партыя	Ч	326 118 (9,2%)	16	▼ 7
Чырвона-зялёная кааліцыя	Ч	236,982 (6,7%)	12	▲ 8
Ліберальны альянс	С	176 473 (5,0%)	9	▲ 4
Кансерватыўная народная партыя	С	174 563 (4,9%)	8	▼ 10
Хрысціянскія дэмакраты	С	28 157 (0,8%)	0	▬
Незалежныя		1832 (0,1%)	0	▬
Вынікі галасавання на Фарэрскіх астравах
Партыя саюза		6361 (30,8%)	1	▬
Сацыял-дэмакратычная партыя		4328 (21,0%)	1	▲ 1
Вынікі галасавання ў Грэнландыі

Зноскі

1. Па папярэдніх даных на ўсеагульных выбарах у Даніі лідыруе апазіцыя
2. Ч — «Чырвоны альянс», С — «Сіні альянс»
3. Resultater - Hele landet (дацк.)