Партызанская брыгада імя А. В. Суворава

Партызанская брыгада імя А. В. Суворава — партызанская брыгада, створаная ў сакавіку 1944 года на базе атрада імя Суворава^[1] вылучанага з Партызанскай брыгады «Першамайская». Дзейнічала на акупіраванай тэрыторыі Навамышскага і Гарадзішчанскага раёнаў. 6 ліпеня 1944 года брыгада (456 партызан, 3 атрады) злучылася з Чырвонай Арміяй.

Партызанская брыгада імя А. В. Суворава
Гады існавання	1944
Краіна	СССР  Беларуская ССР
Падпарадкаванне	Беларускі штаб партызанскага руху
Уваходзіць у	Стаўбцоўскае партызанскае злучэнне
Тып	партызаны
Функцыя	змаганне з акупантамі
Колькасць	456 партызан (6.7.1944)
Дыслакацыя	Навамышскі і Гарадзішчанскі раёны
Войны	Другая сусветная вайна Вялікая Айчынная вайна
Камандзіры
Вядомыя камандзіры	І. С. Кірын; В. Н. Галоўчанка

У паняцця ёсць і іншыя значэнні, гл. Партызанская брыгада імя А. В. Суворава (значэнні).

Склад

• атрад імя Суворава;
• атрад імя Кутузава;
• атрад «Мсцівец».

Камандаванне

Камандзіры

• І. С. Кірын;
• В. Н. Галоўчанка.

Камісар

• Р. Л. Марахоўскі.

Начальнік штаба

• В. Я. Шахроў.

Гісторыя

Партызаны праводзілі дыверсіі на чыгуначных шашэйных і грунтавых дарогах, вялі баі па ліквідацыі нямецкіх апорных пунктаў, супраць карнікаў. У сакавіку — красавіку 1944 года падарвалі 4 эшалоны, разбурылі 11 мастоў, знішчылі маёнтак каля вёскі Гарадзішча, правялі 4 баі, у ліпені правялі 9 баёў з разрозненымі групамі праціўніка, захапілі больш за 70 вінтовак, 4 кулямёты, 9 аўтамашын, боепрыпасы.

Зноскі

1. быў арганізаваны ў маі 1942 года, да мая 1943 — атрад «Стралкова»