Партызанская брыгада імя К. К. Ракасоўскага (Я. А. Прыданнікаў)

У паняцця ёсць і іншыя значэнні, гл. Партызанская брыгада імя К. К. Ракасоўскага.

Партызанская брыгада імя К. К. Ракасоўскага — партызанская брыгада, створаная ў студзені 1944 года. Дзейнічала на акупіраванай тэрыторыі Слонімскага і Быценскага раёнаў. 10 ліпеня 1944 года брыгада (808 партызан, 5 атрадаў) злучылася з Чырвонай Арміяй.

Партызанская брыгада імя К. К. Ракасоўскага
Гады існавання	1944
Краіна	СССР  Беларуская ССР
Падпарадкаванне	Беларускі штаб партызанскага руху
Уваходзіць у	Баранавіцкае партызанскае злучэнне
Тып	партызаны
Функцыя	змаганне з акупантамі
Колькасць	808 партызан (10.7.1944)
Дыслакацыя	Слонімскі і Быценскі раёны
Войны	Другая сусветная вайна Вялікая Айчынная вайна
Камандзіры
Вядомыя камандзіры	Я. А. Прыданнікаў

Склад

Брыгада была створана на базе асобных атрадаў:

• атрад імя Панамарэнкі^[1];
• атрад імя Дзяржынскага^[2];
• атрад імя Сталіна^[3];
• атрад імя Ракасоўскага.

У склад брыгады таксама ўваходзілі:

• атрад імя Фурманава:
• сямейны атрад «за Радзіму».

Камандаванне

Камандзір

• Я. А. Прыданнікаў

Камісар

• Р. Ц. Вараб’ёў

Начальнік штаба

• М. П. Каралёў

Гісторыя

Асноўныя ўдары партызаны наносілі па камунікацыям на чыгунках Слонім — Баранавічы, Ліда — Баранавічы. У сакавіку 1944 года падарвалі 16 эшалонаў, знішчылі 2 масты, 15 аўтамашын. Вялі баі з праціўнікам, які спрабаваў уварвацца ў партызанскую зону. У лютым 1944 года разграмілі некалькі нямецкіх гарнізонаў і апорных пунктаў.

Зноскі

1. арганізаваны ў снежні 1942 года
2. арганізаваны ў жніўні 1943 года
3. арганізаваны ў снежні 1943