Паўднёвы Ёркшыр

Паўднёвы Ёркшыр (англ.: South Yorkshire, [ˌsaʊθ ˈjɔːrkʃər]) — цырыманіяльнае графства ў рэгіёне Ёркшыр і Хамбер Англіі. Мяжуе з Паўночным Ёркшырам і Заходнім Ёркшырам на поўначы, з Усходнім райдынгам Ёркшыра на паўночным усходзе, з Лінкальншырам на ўсходзе, з Нотынгемшырам на паўднёвым усходзе і з Дэрбішырам на поўдні і захадзе. Найбуйнейшае паселішча — горад Шэфілд.

Паўднёвы Ёркшыр англ.: South Yorkshire
Калі ласка, загрузіце выяву
Гл. таксама Іншыя графствы Англіі
Статус	Цырыманіяльнае метрапольнае графства
Рэгіён	Ёркшыр і Хамбер
Уключае	4 адміністрацыйныя акругі
Адм. цэнтр	Барнслі
Найбуйнейшы горад	Шэфілд
Інш. гарады	Данкастэр, Барнслі, Ротэрэм
Дата ўтварэння	1 красавіка 1974 года (Закон аб мясцовым самакіраванні 1972 года  (англ.))
Плошча, усяго	599 км² (38-е месца)
Код ONS	2C
Код NUTS	UKE3
Дэмаграфія (2014)
Насельніцтва, усяго	1 365 847 (10-е месца)
Шчыльнасць	866/км²
Палітыка
Афіцыйны сайт
Адміністрацыйны падзел
1. Сіці-оф-Шэфілд 2. Ротэрэм 3. Данкастэр 4. Барнслі

Графства ў значнай ступені ўрбанізаванае, яго плошча складае 1552 км², а насельніцтва — 1 402 918 жыхароў. Найбуйнейшыя гарады пасля Шэфілда (556 500) — Данкастэр (113 566), Ротэрэм (109 697) і Барнслі (96 888). Усходняя і заходняя часткі графства больш сельскія. Графства кіруецца чатырма метрапольнымі раёнамі: Барнслі, Сіці-оф-Данкастэр, Ротэрэм і Сіці-оф-Шэфілд, якія супрацоўнічаюць праз супольны орган улады мэраў Паўднёвага Ёркшыра^[en].

Паўднёвы Ёркшыр знаходзіцца на ўскрайку Пенінаў, а захад графства ўключае частку нацыянальнага парку Пік-Дыстрыкт. Рака Дон бярэ пачатак у гэтых узгорках і працякае праз Шэфілд, Ротэрэм і Данкастэр, перш чым дасягнуць плоскіх Хамберхедскіх раўнін на ўсходзе графства.

Гісторыя

Гл. таксама: Гісторыя Шэфілда і Гісторыя Ёркшыра

Хоць графства Паўднёвы Ёркшыр было створана толькі ў 1974 годзе, гісторыя ягоных населеных пунктаў і тэрыторый налічвае стагоддзі. Да дагістарычнага перыяду адносяцца знаходкі, у тым ліку мезалітычнае жытло, выяўленае ў Дыпкары на поўначы Шэфілда і датаванае каля 8000 да н. э.^[1]

Сведчанні яшчэ больш ранняга засялення рэгіёна знойдзены прыкладна за 5 км ад мяжы графства ў Крэсвел Крэгс у Дэрбішыры, дзе археолагі выявілі артэфакты і наскальнае мастацтва часоў позняга верхняга палеаліту (не менш як 12 800 гадоў таму)^[2].

Падчас рымскага перыяду тэрыторыя была памежнай зонай Рымскай імперыі^[3].

Развіццё асноўных гарадоў Паўднёвага Ёркшыра было звязана з вугальнай здабычай і сталеліцейнай прамысловасцю. Вугальныя шахты канцэнтраваліся на поўначы і ўсходзе графства, таксама тут здабывалі жалеза. Рэкі, што пачынаюцца ў Пенінах на захадзе графства, забяспечылі развіццё сталеліцейнай прамысловасці, якая сканцэнтравалася ў Шэфілдзе, Стоксбрыджы і Ротэрэме. Блізкасць радовішчаў жалеза і вугалю зрабіла гэты рэгіён ідэальным месцам для вытворчасці сталі.

Хоць хрысціянскі нонканфармізм не быў у Паўднёвым Ёркшыры такім уплывовым, як у тэкстыльных гарадах Заходняга Ёркшыра, у рэгіёне тым не менш шмат метадысцкіх і баптысцкіх цэркваў. Акрамя таго, у графстве адносна шмат прыхільнікаў спірытуалізму. Гэта адзінае графства, якое ўваходзіць у склад Нацыянальнага саюза спірытуалістаў як асобны рэгіён^[4].

Даклад Рэдкліф-Мода

Гл. таксама: Даклад Рэдкліф-Мода