Педыятрычны факультэт ГрДМУ

Педыятрычны факультэт — адзін з факультэтаў Гродзенскага дзяржаўнага медыцынскага ўніверсітэта.

Педыятрычны факультэт
ГрДМУ
Заснаваны	1979
Дэкан	Нэла Сяргееўна Парамонава, Канстанцін Усцінавіч Вільчук, Генадзь Рыгоравіч Мармыш і Міхаіл Міхайлавіч Пяткевіч
Месцазнаходжанне	Гродна
Адрас	230009, г. Гродна, вул. Горкага, 80

Гісторыя

У 1968 годзе выдзелена першая педыятрычная група субардынатараў. Гэта былі студэнты, якія атрымалі размеркаванне ўрача-педыятра. Навучанне працягвалася тры месяцы на кафедры педыятрыі. У далейшым была створана гадавая субардынатура па педыятрыі, для якой фарміраваліся 1-2 студэнцкія групы.

У 1979 годзе ў адпаведнасці з Пастановай ЦК КП Беларусі і Савета Міністраў Беларускай ССР ад 23 снежня 1977 года № 416 «Аб працы органаў аховы здароўя і мерах па далейшым паляпшэнні медыцынскага абслугоўвання насельніцтва ў святле патрабаванняў XXV з’езда КПСС» быў адчынены педыятрычны факультэт з колькасцю студэнтаў на першым курсе 100 чалавек.

З 1991 года па 1996 год педыятрычны факультэт пры Гродзенскім медінстытуце быў зачынены^[1].

Склад

У складзе факультэта працуе Савет факультэта, метадычная камісія. Профільнымі кафедрамі факультэта з’яўляюцца: 2-ая кафедра дзіцячых хвароб і кафедра дзіцячай хірургіі.

Дэканы

У розны час дэканамі педыятрычнага факультэта з’яўляліся:

• Генадзь Іосіфавіч Вайцяхоўскі (1979—1985)
• Міхаіл Міхайлавіч Пяткевіч (1985—1997)
• Генадзь Рыгоравіч Мармыш (1997—1998)
• Канстанцін Усцінавіч Вільчук (1998—2004)
• Нэла Сяргееўна Парамонава (2004—2006)
• Андрэй Леанідавіч Гурын (з 2006)

Зноскі

1. Педыятрычны факультэт