Петэр Берэнс

Петэр Берэнс (ням.: Peter Behrens; 14 красавіка 1868, Гамбург — 27 лютага 1940, Берлін) — нямецкі архітэктар, адзін з заснавальнікаў канструктывізму ў архітэктуры і піянер прамысловага дызайну, прадстаўнік Дзюсельдорфскай мастацкай школы, пісьменнік, крытык і тэарэтык.

Петэр Берэнс
ням.: Peter Behrens
Род дзейнасці	мастак-плакатыст, архітэктар, друкар, мастак, дызайнер, графічны дызайнер, выкладчык універсітэта, графік, ілюстратар, настаўнік мастацтва, прамысловы дызайнер, дызайнер мэблі, экслібрысіст
Дата нараджэння	14 красавіка 1868(1868-04-14)[1][2][…]
Месца нараджэння	Гамбург, Паўночнагерманскі саюз[3][4]
Дата смерці	27 лютага 1940(1940-02-27)[5][1][…] (71 год)
Месца смерці	Берлін, Трэці рэйх, Германскі рэйх[3][4]
Месца пахавання	Вільмерсдорфскія могілкі[d]
Грамадзянства	Германскі рэйх  Гамбург[6][4]
Жонка	Lilli Behrens[d]
Дзеці	Josef Behrens[d] і Petra Fiedler[d]
Месца працы	Венская акадэмія выяўленчых мастацтваў[7] Kunstgewerbeschule Düsseldorf[d][7]
Альма-матар	Нацыянальная вышэйшая школа прыгожых мастацтваў Дзяржаўная акадэмія выяўленчага мастацтва Карлсруэ (1887)[7] Дзюсельдорфская акадэмія мастацтваў (1892)[7] Christianeum[d]
Член у	Нямецкі Веркбунд[d]
Медыяфайлы на Вікісховішчы

Біяграфія

Нарадзіўся ў Гамбургу 14 красавіка 1868 года. У 1877—1882 гадах наведваў Крысціяніум. Потым вучыўся жывапісу ў Гамбургскай мастацкай школе. У 1886—1889 гадах займаўся ў жывапісных класах у Карлсруэ і Дзюсельдорфе.

З 1890 года жыў у Мюнхене, дзе стаў членам мастацкага аб’яднання «Мюнхенскі сецэсіён». Пасля наведвання ў 1897 годзе Італіі П. Берэнс зноў працаваў у Мюнхене ў якасці жывапісца, кніжнага графіка, ілюстратара, афарміцеля часопісаў і брашур, быў сярод заснавальнікаў «Аб’яднанага саюза работнікаў мастацтваў і рамёстваў» так званага Мюнхенскага гуртка.

У 1899—1903 гадах Петэр Берэнс працаваў у Дармштацкай калоніі мастакоў. У 1901 годзе ён пабудаваў у Дармштаце ўласны дом з інтэр’ерамі, абстаўленымі мэбляй па сваіх малюнках, мазаікай, роспісамі, тканінамі і керамічнымі вырабамі. Гэта быў адзін з першых твораў архітэктуры «новага стылю». У абліччы дома прасочваюцца ўплывы стылю ар нуво, у прыватнасці архітэктуры Анры ван дэ Велдэ і Чарльза Рэні Макінтоша. У 1900 годзе Берэнс апублікаваў брашуру-маніфест «Свята жыцця і мастацтва», дзе станоўча ацэньваў «сучасную эпоху» з яе «сур’ёзнымі патрэбамі» і «карыснымі каштоўнасцямі».

Па праекце Берэнса быў пабудаваны Павільён Германіі на Міжнароднай выставе ў Турыне 1902 года.

Зноскі

1. Peter Behrens

   <a href='https://wikidata.org/wiki/Track:Q17299517'></a>
2. Peter Behrens — OUP, 2006. — ISBN 978-0-19-977378-7

   <a href='https://wikidata.org/wiki/Track:Q217595'></a><a href='https://wikidata.org/wiki/Track:Q24255573'></a><a href='https://wikidata.org/wiki/Track:Q1547776'></a>
3. Беренс Петер // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 28 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
4. Nieuwe Instituut Data Platform Праверана 20 мая 2024.

   <a href='https://wikidata.org/wiki/Track:Q126173923'></a>
5. Беренс Петер // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 27 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
6. German // (unspecified title) Праверана 4 ліпеня 2020.
7. Encyclopaedia of Architects, Vienna 1770–1945

   <a href='https://wikidata.org/wiki/Track:Q98582343'></a>