Печышчанскі сельсавет

Пе́чышчанскі сельсавет — былая адміністрацыйна-тэрытарыяльная адзінка ў складзе Светлагорскага раёна Гомельскай вобласці Беларусі. Цэнтр — аграгарадок (да 2009 года вёска) Печышчы.

Печышчанскі сельсавет
Краіна	Беларусь
Статус	сельсавет
Уваходзіць у	Светлагорскі раён
Уключае	6 населеных пунктаў
Адміністрацыйны цэнтр	Печышчы
Дата ўтварэння	30 сакавіка 1992
Дата скасавання	1 снежня 2009
Насельніцтва (2009)	949
Часавы пояс	UTC+03:00
Код аўтам. нумароў	3

Гісторыя

Утвораны 30 сакавіка 1992 года ў складзе Светлагорскага раёна Гомельскай вобласці Беларусі з часткі Чыркавіцкага сельсавета. 1 снежня 2009 года скасаваны, тэрыторыя далучана да Сасноваборскага пассавета^[1].

Насельніцтва

Насельніцтва сельсавета паводле перапісу 2009 года складала 949 чалавек^[2], з іх 90,2 % — беларусы, 7,5 % — рускія, 1,6 % — украінцы^[3].

Склад

На момант скасавання ў склад сельсавета ўваходзілі 6 населеных пунктаў: аграгарадок Печышчы, вёскі Асопнае, Жэрдзь, Медзведаў, Стракавічы і пасёлак Жардзянскі.

Зноскі

1. Решение Гомельского областного Совета депутатов от 1 декабря 2009 г. № 288 Об изменении административно-территориального устройства Светлогорского района Гомельской области Архівавана 29 кастрычніка 2013.
2. Насельніцтва населеных пунктаў Гомельскай вобласці паводле перапісу 2009 года Архівавана 11 кастрычніка 2020. (руск.)
3. Этнічны склад насельніцтва сельсаветаў Беларусі паводле перапісу 2009 года (руск.)