Чыркавіцкі сельсавет

Чы́ркавіцкі сельсавет — адміністрацыйна-тэрытарыяльная адзінка ў складзе Светлагорскага раёна Гомельскай вобласці Беларусі. Цэнтр — аграгарадок (да 2009 года вёска) Чыркавічы. Сельсавет знаходзіцца ў цэнтры раёна, на захад ад горада Светлагорск.

Чыркавіцкі сельсавет
Краіна	Беларусь
Статус	сельсавет
Уваходзіць у	Светлагорскі раён
Уключае	13 населеных пунктаў
Адміністрацыйны цэнтр	Чыркавічы
Дата ўтварэння	20 жніўня 1924
Старшыня сельсавета	Уладзімір Пятровіч Лахардаў
Насельніцтва (2019)	2 385
Плошча	247 км²
Часавы пояс	UTC+03:00
Тэлефонны код	+375 2342
Паштовыя індэксы	247410
Код аўтам. нумароў	3
Афіцыйны сайт

Гісторыя

Утвораны 20 жніўня 1924 года ў складзе Парыцкага раёна Бабруйскай акругі БССР. Пасля скасавання акруговай сістэмы 26 ліпеня 1930 года ў Парыцкім раёне БССР, з 20 лютага 1938 года — Палескай вобласці, з 20 верасня 1944 года — Бабруйскай вобласці, з 8 студзеня 1954 года — Гомельскай вобласці. 16 ліпеня 1954 года да сельсавета далучана тэрыторыя скасаванага Ракшынскага сельсавета^[1]. 10 сакавіка 1960 года да сельсавета далучана частка скасаванага Шацілкаўскага сельсавета (5 населеных пунктаў: вёскі Асопнае, Жэрдзь, Медзведаў, Печышчы і пасёлак чыгуначнай станцыі Жэрдзь)^[2]. 29 ліпеня 1961 года Парыцкі раён перайменаваны ў Светлагорскі. 10 ліпеня 1975 года ў гарадскую мяжу Светлагорска ўключана вёска Светач^[3]. 30 сакавіка 1992 года з часткі сельсавета ўтвораны Печышчанскі сельсавет. 28 красавіка 2011 года ў складзе сельсавета ўтвораны хутар Міколін Востраў^[4]. 29 сакавіка 2012 года скасавана вёска Ала^[5]. 14 лістапада 2018 Светлагорскі раённы савет дэпутатаў прыняў рашэнне аб далучэнні вёскі Расава і адпаведнай часткі сельсавета да горада Светлагорска^[6].

Насельніцтва

Насельніцтва сельсавета паводле перапісу 2009 года — 2905 чалавек^[7], з іх 92,6 % — беларусы, 5,1 % — рускія, 1,5 % — украінцы^[8]; паводле перапісу 2019 года — 2385 чалавек^[9].

Зноскі

1. Указ Президиума Верховного Совета Белорусской ССР от 16 июля 1954 г. Об объединении сельских советов Гомельской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
2. Рашэнне выканкома Гомельскага абласнога Савета дэпутатаў працоўных ад 10 сакавіка 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 6.
3. Указ Прэзідыума Вярхоўнага Савета Беларускай ССР № 1045—VIII ад 10 ліпеня 1975 г. Аб уключэнні ў гарадскую мяжу горада Светлагорска вёскі Светач Чыркавіцкага сельсавета Светлагорскага раёна Гомельскай вобласці // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1975, № 20 (1466).
4. Решение Светлогорского районного Совета депутатов от 28.04.2011 г. № 71 Об отнесении земель к категории сельского населенного пункта Архівавана 28 верасня 2020.
5. Решение Светлогорского районного Совета депутатов от 29 марта 2012 г. № 132 Об упразднении деревни Ола Чирковского сельсовета Светлогорского района Архівавана 28 верасня 2020.
6. Депутаты приняли решение увеличить Светлогорск за счет деревни. Повезло ей (нявызн.)(недаступная спасылка). Архівавана з першакрыніцы 28 кастрычніка 2021. Праверана 4 лютага 2022.
7. Колькасць насельніцтва населеных пунктаў Гомельскай вобласці Беларусі паводле перапісу 2009 года
8. Этнічны склад насельніцтва сельсаветаў Беларусі паводле перапісу 2009 года
9. Колькасць насельніцтва населеных пунктаў Гомельскай вобласці Беларусі паводле перапісу 2019 года