Плошча Іспаніі (Рым)

У паняцця ёсць і іншыя значэнні, гл. Плошча Іспаніі.

Плошча Іспаніі (п'яцца-дзі-Спання; італ.: Piazza di Spagna) — плошча ў цэнтры Рыма, у раёне Campo Marzio.

Плошча Іспаніі (Рым)
Агульная інфармацыя
Краіна	Італія
Населены пункт	Рым
Назва ў гонар	Пасольства Іспаніі пры Святым Прастоле[d] і Іспанія
Медыяфайлы на Вікісховішчы

Плошча атрымала сваю назву па размешчаным на ёй іспанскім пасольстве. Яна ўяўляе сабой 2 няроўных трохвугольніка. У паўночнай частцы плошчу складаюць Іспанская лесвіца і царква Трыніта-дэі-Монці, перад лесвіцай размешчаны фантан Баркача ў выглядзе лодкі працы П’етра Берніні.

Плошча Іспаніі ў Рыме

Фантан Баркача ў Рыме

У паўднёвай частцы плошчы з 1620 года знаходзіцца палац Іспаніі (палацца-дзі-Спання; італ.: Palazzo di Spagna), перад якім стаіць Colonna dell'Immacolata — «калона Бязгрэшнай», збудаваная ў 1854 годзе ў гонар абвяшчэння догмы пра бязгрэшнае зачацце. Плошча Іспаніі з'яўляецца цэнтрам рымскага квартала моды, самыя вядомыя італьянскія модныя маркі прадстаўлены на вуліцы Кандоці, якая бярэ пачатак ад плошчы.

Вуліца Віа дэль Бабуіна злучае плошчу з П’яцца-дэль-Попала.

Спасылкі

• На Вікісховішчы ёсць медыяфайлы па тэме п'яцца-дзі-Спання