Поль Кіракасян

Поль (Пол) Кіракасян (арм.: Պոլ Կիրակոսյան), у некаторых крыніцах сустракаецца прозвішча Гірагасян^[4] (1926, Іерусалім — 20 лістапада 1993, Бейрут) — ліванскі мастак армянскага паходжання.

Поль Кіракасян
арм.: Պոլ Կիրակոսյան
Дата нараджэння	25 снежня 1926(1926-12-25)[1][2][…]
Месца нараджэння	Іерусалім, Брытанскі мандат у Палесціне, Злучанае каралеўства Вялікабрытаніі і Ірландыі
Дата смерці	20 лістапада 1993(1993-11-20)[3] (66 гадоў)
Месца смерці	Бейрут, Правінцыя Бейрут, Ліван
Грамадзянства	Ліван
Род дзейнасці	дзеяч выяўленчага мастацтва, мастак
Жанр	мастак-партрэтыст, пейзажыст
Уплыў на	Seta Manoukian[d]
Сайт	paulguiragossian.com (англ.)

Біяграфія

Нарадзіўся ў сям’і армянскіх уцекачоў з Турцыі, якія перажылі генацыд. З ранняга дзяцінства Пол зведаў цяжкасці жыцця ў выгнанні. Вучыўся ў школах-інтэрнатах, рос удалечыні ад маці, якая змушана была працаваць, каб забяспечыць сваім двум сынам будучыню. У 1940-я гады пераехаў у Яфу, дзе наведваў студыю Ярон з 1944 па 1945 год. У 1947 годзе сям’я з’ехала ў Ліван.

У 1950-я гады Кіракасян пачаў выкладаць выяўленчае мастацтва ў некалькіх армянскіх школах і працаваць ілюстратарам. Са сваім братам Антуанам ён пачаў маляваць плакаты да кінастужак, постары і ілюстрацыі да кніг. Неўзабаве ён пазнаёміўся са многімі сваімі сучаснікамі і пачаў арганізоўваць выстаўкі сваіх прац у Бейруце і па ўсім свеце. У 1956 годзе ён здабыў перамогу на адным з конкурсаў і атрымаў стыпендыю ад італьянскага ўрада на навучанне ў акадэміі прыгожых мастацтваў Фларэнцыі. У Фларэнцыі ён арганізаваў шэраг выставак, у тым ліку выстаўку 1958 года «Сталасць» у Галерэі сучасных мастацтваў.

У 1961 годзе Кіракасян вярнуўся ў Бейрут^[5], а праз год атрымаў другую стыпендыю ад урада Францыі ў Атэлье майстроў парыжскай школы і ў канцы 1962 года арганізаваў выстаўку ў галерэі Муфф. Да сярэдзіны 1960-х гадоў ён стаў найбольш вядомым мастаком Лівана і арабскага свету. Яго прыхільнасць да Лівана расла, нягледзячы на вайну ў 1970-я гады. У 1989 годзе Кіракасян арганізаваў яшчэ адну выстаўку ў Парыжы ў вестыбюлі ЮНЕСКА. У Парыжы ён жыў з сям’ёй да 1991 года, а потым упершыню ў гісторыі арганізаваў асабістую выстаўку ў Інстытуце арабскага свету.

Поль Кіракасян памёр 20 лістапада 1993 года ў Бейруце, паспеўшы незадоўга да смерці скончыць яшчэ адну карціну. Ён сказаў сваёй дачцэ незадоўга да смерці, што нарэшце здолеў злучыць у адной карціне старое і новае. Сям’я назвала карціну «Развітанне», і яна цяпер захоўваецца ў сямейнай калекцыі без подпісу. Яго працы таксама выстаўлены ў Нацыянальнай галерэі Арменіі^[6].

Стыль

Поль Кіракасян вядомы як аўтар мноства партрэтаў, краявідаў і розных тэм. Так, ён з’яўляецца аўтарам карцін «Партрэт Аракса», «Світанак», «Горад», «Маці і нованароджаны», «Краявід Лівана», «Чаканне», «Сям’я», «Ферма», «Вясковая дзяўчына», «Гутарка», «Пакорлівая сям’я», «Чытач» і г.д.^[7]. Таксама пэндзлю Кіракасяна належаць карціны пра жыццё і побыт армян у міграцыі «Дайраў эз-Зор», «Міграцыя», «Майстар дываноў». Гэтыя тыповыя пышныя карціны маюць вытанчаны колер.

Сям’я

У 1952 годзе Поль ажаніўся са сваёй вучаніцай Джульетай Хіндзян. У шлюбе ў іх нарадзілася шэсць дзяцей: першы сын Ара памёр неўзабаве пасля нараджэння, і Поль прысвяціў яму некалькі карцін. Усе дзеці атрымалі вышэйшую адукацыю ў вобласці жывапісу, але толькі Эмануіл, Жан-Поль і Мануэла працягнулі сваю кар’еру мастакоў, стварыўшы новую дынастыю мастакоў у свеце. З 2011 года заснаваны фонд Поля Кіракасяна для захавання яго спадчыны.

Зноскі

1. http://www.paulguiragossian.com/en/DynamicPages/biography/biography Праверана 10 кастрычніка 2018.
2. Paul Guiragossian // Artnet — 1998. Праверана 9 кастрычніка 2017.

   <a href='https://wikidata.org/wiki/Track:Q874430'></a><a href='https://wikidata.org/wiki/Track:Q266566'></a>
3. Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.

   <a href='https://wikidata.org/wiki/Track:Q19938912'></a><a href='https://wikidata.org/wiki/Track:Q54837'></a><a href='https://wikidata.org/wiki/Track:Q193563'></a>
4. СNN о разоблачении подделок картин известного армянского художника (руск.)
5. Ով ով է. Հայեր. Կենսագրական հանրագիտարան. Yerevan: Հայկական Հանրագիտարան. 2005.
6. Paul Guiragossian's Work in the National Gallery of Armenia (нявызн.)(недаступная спасылка). Архівавана з першакрыніцы 4 сакавіка 2016. Праверана 15 красавіка 2017.
7. Paul Guiragossian's Work in the National Gallery of Armenia (нявызн.)(недаступная спасылка). Архівавана з першакрыніцы 4 сакавіка 2016. Праверана 15 красавіка 2017.