Поль Тальёні

У Вікіпедыі ёсць артыкулы пра іншых людзей з прозвішчам Тальёні.

Поль (Паала) Тальёні^[5] (італ.: Paul (Paolo) Taglioni); 12 студзеня 1808 — 6 студзеня 1884^[6]) — італьянскі балетмайстар і харэограф. Сын Філіпа Тальёні, брат Марыі Тальёні.

Поль Тальёні
Дата нараджэння	12 студзеня 1808(1808-01-12)[1][2]
Месца нараджэння	Вена, Аўстрыйская імперыя[1][2]
Дата смерці	7 студзеня 1884(1884-01-07)[3] (75 гадоў) ці 6 студзеня 1884(1884-01-06)[2][4] (75 гадоў)
Месца смерці	Берлін, Каралеўства Прусія, Германская імперыя[2]
Грамадзянства	Каралеўства Італія
Бацька	Філіпа Тальёні
Жонка	Amalie Taglioni[d]
Дзеці	Auguste Taglioni[d] і Марыя Тальёні
Прафесія	харэограф, артыст балета
Тэатр	Berlin State Opera[d] His Majesty's Theatre[d]
Узнагароды
Медыяфайлы на Вікісховішчы

Біяграфія

Нарадзіўся ў Вене. Вучыўся ў свайго бацькі Філіпа Тальёні і ў Парыжы ў Ж.-Ф. Кулона. Дэбютаваў у 1825 годзе ў Штудгарце, дзе выканаў па-дэ-дэ разам з сястрой Марыяй Тальёні^[6]. У 1826—1729 гадах гастраляваў у Вене, Мюнхене, Берліне, разам з сястрой выступаў у Францыі і Германіі. У 1847—1851 і 1856—1857 гадах саліст тэатра «Her Majesty’s Theatre» у Лондане. У 1856—1883 гадах балетмайстар Прыдворнай оперы ў Берліне. Адначасова ставіў спектаклі ў Мілане, Маскве, Санкт-Пецярбургу, Вене і іншых гарадах. У 1839 годзе працаваў у ЗША.

Памёр Поль Тальёні 6 студзеня 1884 года ў Берліне^[6].

Творчасць

Спачатку пастаноўкі Поля Тальёні былі адзначаны уплывам бацькі, затым балетмайстар пачаў набываць свой стыль, уводзіў пастановачныя і тэхнічныя навіны (эфекты электрычнага асвятлення і іншыя).

Сярод пастановак балеты: «Каралія, або Непастаянны рыцар» (1847), «Tэa, або Фея кветак» (1847), «Прыма-балерына, або Пастка», «Зімовыя забавы, або Канькабежцы» (абодва ў 1849 годзе), «Метамарфозы» (1850), «Сатаніла» (1855), «Прыгоды Фліка і Флока» (1858), «Карсар» (1864), «Капелія» (1882) і іншыя.