Помнік Канстанціну Заслонаву (Орша)

Помнік Канстанціну Сяргеевічу Заслонаву — помнік на пероне чыгуначнага вакзала ў Оршы. Пастаўлены ў 1955 годзе побач з магілай К. С. Заслонава і яго ад’ютанта Я. В. Коржаня, на якой была ўстаноўлена мемарыяльная пліта. Аўтарамі помніка з’яўляюцца скульптар С. Селіханаў і архітэктар Г. Сысоеў.

Помнік
Помнік Канстанціну Сяргеевічу Заслонаву
54°31′17″ пн. ш. 30°22′43″ у. д.HGЯO
Краіна	Беларусь
Горад	Орша
Скульптар	С. Селіханаў
Архітэктар	Г. Сысоеў
Дата заснавання	1955
Дата пабудовы	1955 год
Статус	Гісторыка-культурная каштоўнасць Беларусі, шыфр 213Д000108шыфр 213Д000108
Медыяфайлы на Вікісховішчы

Апісанне

Мемарыяльная дошка на магіле перад помнікам

Бронзавая фігура К. С. Заслонава вышынёй 3,2 м пастаўлена на чырвоным гранітным пастаменце строга прамавугольнай формы, вышыня якога складае 3,3 м. Корпус павернуты направа, правая рука сціскае борт курткі, левая апушчана. Валявы паварот галавы, энергічны ўпор злёгку расстаўленых ног, буйныя мужныя рысы твару ствараюць выразную характарыстыку героя, даюць адчуць яго маральную сілу. Захоўваючы жыццёвую канкрэтнасць вобраза, скульптар перадае абагульненыя рысы партызана — мужнасць, сабранасць, упэўненасць у справядлівасці сваёй справы. На пастаменце з двухступеньчатай асновай — бронзавая пяцівугольная зорка і надпіс «К. С. Заслонаў».

Літаратура

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1985. — Віцебская вобласць. — 496 с., іл.

Спасылкі

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 213Д000108

• На Вікісховішчы ёсць медыяфайлы па тэме Помнік Канстанціну Заслонаву (Орша)
• Помнік Канстанціну Заслонаву (Орша) на сайце «Архіварта»