Помнік Мітрафану Доўнар-Запольскаму (Рэчыца)

Помнік Мітрафану Доўнар-Запольскаму — бюст у Рэчыцы, размешчаны на вуліцы Савецкай каля будынка Рэчыцкага раённага ліцэя. Прысвечаны гісторыку і этнографу Мітрафану Доўнар-Запольскаму, ураджэнцу Рэчыцы.

Помнік
Помнік Мітрафану Доўнар-Запольскаму
Помнік Мітрафану Доўнар-Запольскаму, Рэчыца
52°22′05,62″ пн. ш. 30°23′42,68″ у. д.HGЯO
Краіна	Беларусь
Месцазнаходжанне	Рэчыца
Скульптар	Эдуард Канстанцінавіч Агуновіч і Валяр’ян Язэпавіч Янушкевіч
Дата заснавання	ліпень 1997
Матэрыял	бронза

Помнік быў усталяваны ў ліпені 1997 года да 130-годдзя з дня нараджэння гэтага навукоўца. Аўтар праекта — рэчыцкі мастак Эдуард Агуновіч, скульптар — Валяр’ян Янушкевіч. Бюст выраблены з бронзы^[1].

Унізе бюста размешчаны надпіс на лацінскай мове «Terra Rečicensis» («Рэчыцкая зямля»). На пастаменце размешчаны надпіс «Выдатнаму гісторыку Мітрафану Доўнар-Запольскаму» з указаннем гадоў жыцця^[2].