Помнік Уладзіміру Ільічу Леніну (Гомель)

У паняцця ёсць і іншыя значэнні, гл. Помнік Уладзіміру Ільічу Леніну.

Помнік Уладзіміру Ільічу Леніну — помнік у Гомелі, размешчаны ў цэнтры горада, на плошчы Леніна. Пастаўлены ў 1958 годзе ў гонар 40-годдзя БССР. Прысвечаны заснавальніку савецкай дзяржавы У. І. Леніну. Аўтары помніка — скульптар Шата Мікатадзэ і архітэктар Іван Спірын^[1].

Помнік
Помнік Уладзіміру Ільічу Леніну
52°25′27″ пн. ш. 31°00′55″ у. д.HGЯO
Краіна	Беларусь
Месцазнаходжанне	Гомель
Скульптар	Шата Мікатадзэ[d]
Архітэктар	Іван Данілавіч Спірын
Дата пабудовы	1958 год
Статус	Гісторыка-культурная каштоўнасць Беларусі, шыфр 313Ж000046шыфр 313Ж000046
Матэрыял	граніт і бронза
Медыяфайлы на Вікісховішчы

Апісанне

Пастамент і трыбуны

З’яўляецца кампазіцыйным цэнтрам плошчы. Бронзавая скульптура У. І. Леніна (6 м) устаноўлена на прамавугольным гранітным пастаменце (3 м), да яго прымыкаюць трыбуны. Фігура правадыра ў энергічным руху. У правай руцэ кепка, левая трымае лацкан расшпіленага паліто. Партрэтнае падабенства дасягнута дэталёвай прапрацоўкай форм, умеранымі святлоценевымі кантрастамі. Каларыстычнае вырашэнне заснавана на спалучэнні цёмнай бронзы скульптуры, чырвонага граніту пастамента і трыбун^[1].

Фігура з’яўляецца ідэнтычнай тым, што ўстаноўлены ў Выбаргу (Расія)^[ru] і Мікалаеве (Украіна)^[ru].