Помнік Уладзіміру Ільічу Леніну (Нароўля)

У паняцця ёсць і іншыя значэнні, гл. Помнік Уладзіміру Ільічу Леніну.

Помнік Уладзіміру Ільічу Леніну — помнік у Нароўлі, размешчаны ў цэнтры горада, на плошчы Леніна. Пастаўлены ў 1983 г. Прысвечаны заснавальніку савецкай дзяржавы Уладзіміру Леніну. Аўтары помніка — скульптар Анатоль Аляксандравіч Анікейчык і архітэктары Леанід Мендэлевіч Левін і Юрый Міхайлавіч Градаў^[1].

Помнік
Помнік Уладзіміру Ільічу Леніну
Плошча Леніна
51°47′51″ пн. ш. 29°30′26″ у. д.HGЯO
Краіна	Беларусь
Месцазнаходжанне	Нароўля
Скульптар	Анатоль Аляксандравіч Анікейчык
Архітэктар	Леанід Мендэлевіч Левін і Юрый Міхайлавіч Градаў
Дата пабудовы	1983 год

Апісанне

Паўфігурная медная скульптура Уладзіміра Ільіча Леніна на фоне лунаючага сцяга пастаўлена на пастамент, абліцаваны чырвоным гранітам. Вышыня скульптуры складае 3 м, пастамента — 3,5 м. Энергічна ўзнятая галава, прызыўны жэст рукі, лёгкі разварот фігуры надаюць вобразу правадыра рамантычнае гучанне. Стэла-сцяна і абліцававы шэрым гранітам подыум падкрэсліваюць выразнасць помніка^[1].

Зноскі

1. Л. Г. Лапцэвіч. 1368. Помнік Леніну // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1985. — Гомельская вобласць. — 383 с., іл.