Помнік Янку Купалу (Ляўкі)

У паняцця ёсць і іншыя значэнні, гл. помнік Янку Купалу.

Помнік Янку Купалу — помнік ва ўрочышчы Ляўкі Аршанскага раёна, дзе 1935—1941 гадах жыў і працаваў класік беларускай літаратуры Янка Купала. Пастаўлены ў 1982 годзе да 100-годдзя з дня параджэння паэта. Аўтарам помніка з’яўляецца скульптар А. Анікейчык^[1].

Помнік
Помнік Янку Купалу
54°20′43″ пн. ш. 30°19′21″ у. д.HGЯO
Краіна	Беларусь
Месцазнаходжанне	Ляўкі
Скульптар	Анатоль Аляксандравіч Анікейчык
Дата пабудовы	1982
Статус	Гісторыка-культурная каштоўнасць Беларусі, шыфр 213Б000134шыфр 213Б000134
Матэрыял	граніт і бронза

Апісанне

На гранітнай глыбе-пастаменце — нізкая лаўка, на якой бронзавая скульптурная фігура паэта, паглыбленага ў свае думы. Выразнасць твару, пластыка рук раскрываюць духоўны стан песняра. Стары дуб, пад якім пастаўлены помнік, маляўнічае наваколле ўзмацняюць яго эмацыянальнае ўздзеянне. Вышыня пастамента складае 0,4 м, фігуры — 2,7 м^[1].