Помнік Янку Купалу (Мінск)

Помнік Янку Купалу — помнік у Мінску, размешчаны на галоўнай алеі аднайменнага парку. Складаецца з манументальнай скульптуры — статуі Я. Купалы і фантана «Вянок», размешчанага недалёка.

Помнік
Помнік Янку Купалу
53°54′21″ пн. ш. 27°34′00″ у. д.HGЯO
Краіна	Беларусь
Горад	Мінск
Скульптар	А. Анікейчык, А. Заспіцкі, Л. Гумілеўскі
Архітэктар	Юрый Міхайлавіч Градаў і Леанід Мендэлевіч Левін
Дата заснавання	1972
Дата пабудовы	1972 год
Матэрыял	бронза і граніт

У паняцця ёсць і іншыя значэнні, гл. Помнік Янку Купалу.

Пастаўлены ў 1972 г. да 90-годдзя з дня нараджэння паэта (скульптары А. Анікейчык, А. Заспіцкі, Л. Гумілеўскі, Дзяржаўная прэмія БССР 1974 г.; архітэктары Ю. Градаў, Л. Левін).

Апісанне

На гарызантальным пастаменце — гранітнай глыбе — устаноўлена бронзавая фігура паэта. Вышыня скульптуры складае 7 м. Пясняр у накінутым па плечы паліто апіраецца на посах. Ва ўсёй яго постаці, у выразе твару падкрэслены рамантычная ўзнёсласць, скіраванасць у будучыню, высакароднасць і чалавечая абаяльнасць. Каля ног паэта прабіваецца крыніца, а побач з ёй раскінула цяжкае бронзавае лісце казачная папараць-кветка.

Літаратура

• 129.  // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.