Порта Паліа

Порта Паліа (італ.: Porta Palio — «брама рысталішчаў») — брама ў горадзе Верона (Італія).

Славутасць
Порта Паліа
45°26′08″ пн. ш. 10°58′49″ у. д.HGЯO
Краіна	Італія[1]
Месцазнаходжанне	Верона[1]
Архітэктурны стыль	рэнесансная архітэктура
Дата заснавання	1550
Медыяфайлы на Вікісховішчы

Пабудавана ў 1542—1557 гадах архітэктарам Санмікелі разам з Порта Нуова ў якасці абарончага ўмацавання горада і першапачаткова звалася Порта Сан Сіста (Брама Святога Сікста). Месцам для будаўніцтва брамы сталі гарадскія рысталішчы (palio), які згадваў яшчэ Дантэ.

Асаблівасцю Порта Паліа з’яўляюцца яе розныя фасады: звернуты да горада мае адзін арачны праём і абліцаваны рустыкай, а фасад, звернуты на дарогу, выкананы ў класічных формах, мае пяць праёмаў, якія ўтвараюць у тоўшчы варот крытую галерэю.