Пылькінскі сельсавет

Пылькінскі сельсавет — былая адміністрацыйна-тэрытарыяльная адзінка ў складзе Мехаўскага раёна Віцебскай вобласці. Цэнтр — вёска Гуркі.

Пылькінскі сельсавет
Краіна	Беларуская ССР
Уваходзіў у	Мехаўскі раён
Адміністрацыйны цэнтр	Гуркі
Дата ўтварэння	20 жніўня 1924
Дата скасавання	16 ліпеня 1954

Утвораны 20 жніўня 1924 года ў складзе Езярышчанскага раёна Віцебскай акругі БССР. Цэнтр — вёска Пылькі. З 12 кастрычніка 1929 года ў Гарадоцкім раёне Віцебскай акругі. Пасля скасавання акруговай сістэмы з 26 ліпеня 1930 года ў Гарадоцкім раёне БССР. З 12 лютага 1935 года ў складзе новаўтворанага Мехаўскага раёна, з 20 лютага 1938 года — Віцебскай вобласці. 20 лютага 1938 года цэнтр сельсавета перанесены ў вёску Гуркі. 16 ліпеня 1954 года сельсавет скасаваны, тэрыторыя далучана да Езярышчанскага сельсавета^[1].