Пышкі

Пы́шкi^[1] (трансліт.: Pyški, руск.: Пышки) — вёска ў Гродзенскім раёне Гродзенскай вобласці. Уваходзіць у склад Падлабенскага сельсавета.

Вёска Пышкі Краіна Беларусь Вобласць Гродзенская Раён Гродзенскі Сельсавет Падлабенскі Каардынаты 53°41′15″ пн. ш. 23°46′21″ у. д.HGЯO Насельніцтва ▲243 чал. (2009) Часавы пояс UTC+3 Тэлефонны код +375 152 Паштовыя індэксы 231720 Аўтамабільны код 4 Пышкі на карце Беларусі ±

Геаграфія

Размешчана на левым беразе Нёмана, насупраць пляжа «Усікі», дзе адпачываюць гродзенцы, і ўрочышча Пышкі ў Гродне. Побач знаходзяцца два затопленыя крэйдавыя кар’еры. Вызначаецца перападам рэльефу.

Назва

Ёсць некалькі версій паходжання назвы. Паводле адной з іх, назву вёсцы, а па ёй і лесу, дало прозвішча або мянушка кагосьці з вяскоўцаў. Паводле іншай, назва паходзіць ад літоўскага pušis — сасна.^[2]

«Яшчэ дзесьці 600 гадоў таму былі Пышкі па абодва бакі Нёмана — правыя і левыя. Апошнія засталіся па той бок Нёмана. Другія Пышкі пан перанёс, даў сялянам зямлю ў адным месцы, таму і назвалі новую вёску Пярэселка — ад слова „перасяляцца“», — расказваў гродзенскі старажыл Генрых Кізюкевіч^[3].

Паводле яго, «правыя Пышкі» былі ў тым месцы, дзе цяпер захавалася могілкі ў лесе.