Пярэступ

Пярэ́ступ^[1], брыёнія (Bryonia) — род кветкавых раслін сямейства Гарбузовыя (Cucurbitaceae). Налічвае каля 10 відаў, пашыраных пераважна ў Міжземнамор’і, Заходняй і Сярэдняй Азіі, на Каўказе.

Пярэступ
Пярэступ белы (Bryonia alba)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гарбузакветныя Сямейства:  Гарбузовыя Падсямейства:  Cucurbitoideae Трыба:  Benincaseae Род:  Пярэступ
Міжнародная навуковая назва
Bryonia L., 1753
Сістэматыка на Віківідах Выявы на Вікісховішчы ITIS   22347 NCBI   3651 EOL   71441 IPNI   76124-3

Апісанне

Bryonia monoica

Шматгадовыя травяністыя расліны з клубнепадобнымі каранямі і пераважна лазячымі сцёбламі з простымі вусікамі. Лісце пяцілопасцевае або глыбокараздзельнае, часам суцэльнае. Расліны адна- і двухдомныя. Кветкі аднаполыя, дыяметрам да 1,5 см, у пазушных суквеццях. Плод — ягада.

Выкарыстанне

Інсектыцыдныя, фарбавальныя, меданосныя і дэкаратыўныя расліны. Карані пярэступа выкарыстоўваюцца ў якасці лекавага сродка.

Пярэступ белы (Bryonia alba L.) і пярэступ двухдомны (Bryonia cretica subsp. dioica (Jacq.) Tutin) — ядавітыя расліны.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 8. — 160 с. — 2 350 экз.