Пясчанка (прыток Сажа)

У паняцця ёсць і іншыя значэнні, гл. Пясчанка.

Пясча́нка — рака ў Слаўгарадскім раёне Магілёўскай вобласці Беларусі, правы прыток ракі Сож.

Пясчанка
Характарыстыка
Даўжыня	18 км
Басейн	126 км²
Вадацёк
Выток
• Месцазнаходжанне	на поўнач ад вёскі Кабіна Гара
• Каардынаты	53°28′15″ пн. ш. 30°56′09″ у. д.HGЯO
Вусце	Рака Сож
• Месцазнаходжанне	за 2,7 км на поўдзень ад вёскі Рудня
• Каардынаты	53°29′05″ пн. ш. 30°53′45″ у. д.HGЯO
Размяшчэнне
Водная сістэма	Дняпро
Краіна	Беларусь
Рэгіён	Магілёўская вобласць
Раён	Слаўгарадскі раён
выток вусце
— выток, — вусце

Апісанне

Даўжыня ракі 18 км. Плошча вадазбору 126 км². Пачынаецца ў напрамку на поўнач ад вёскі Кабіна Гара. Упадае ў Сож прыкладна за 2,7 км на поўдзень ад вёскі Рудня. Рэчышча Пясчанкі каналізаванае амаль на ўсім працягу.

Гісторыя

Мініяцюра Радзівілаўскага летапісу: перамога Воўчага Хваста, ваяводы кіеўскага князя Уладзіміра Святаславіча, над радзімічамі на рацэ Пішчані ў 984

У 984 годзе ваявода кіеўскага князя Уладзіміра Святаславіча Воўчы Хвост сустрэўся з войскамі радзімічаў на рацэ Пішчані (летапісная назва Пясчанкі) і разбіў іх^[1]. Гэтая бітва апісана ў "Аповесці мінулых часоў".

Зноскі

1. Археологи нашли подтверждение, что битва при Песчанке в 984 году произошла под Славгородом (руск.)