Пётр Васілевіч Гарэлік

Пётр Васілевіч Гарэлік (15 лютага 1949, в. Кавальцы, Маладзечанскі раён, Мінская вобласць) — беларускі ўрач-хірург. Доктар медыцынскіх навук (1992), прафесар (1994).

Пётр Васілевіч Гарэлік
Дата нараджэння	15 лютага 1949(1949-02-15) (76 гадоў)
Месца нараджэння	Кавальцы, Маркаўскі сельсавет, Маладзечанскі раён, Маладзечанская вобласць, Беларуская ССР, СССР
Грамадзянства	Беларусь
Род дзейнасці	выкладчык універсітэта, урач, хірург
Месца працы	ГрДМУ
Навуковая ступень	доктар медыцынскіх навук
Навуковае званне	прафесар
Альма-матар	ГрДМУ
Узнагароды	Залаты медаль Сусветнай акадэміі медыцыны Альберта Швейцэра[d]

У Вікіпедыі ёсць артыкулы пра іншых людзей з прозвішчам Гарэлік.

Біяграфія

Скончыў Юрацішкаўскае медыцынскае вучылішча, г. п. Юрацішкі, Гродзенская вобласць (1968), Гродзенскі дзяржаўны медыцынскі інстытут (1974).

Працаваў у Маладзечанскай гарадской бальніцы (1974—1978, урач-хірург), Гродзенскім дзяржаўным медыцынскім універсітэце (з 1978, лячэбны факультэт, кафедра гаспітальнай хірургіі, у 1978—1980 — клінічны ардынатар, у 1980—1987 — асістэнт, у 1987—1992 — дацэнт, у 1992—1994 — прафесар, кафедра агульнай хірургіі, у 1994—2005 і з 2010 — загадчык кафедры, у 1998—2010 — рэктар).

Навуковыя інтарэсы: хірургічная гастраэнтэралогія; хірургічная панкрэаталогія; хірургічная гепаталогія.

Узнагароды

Медалі Францыска Скарыны (2002), Свяціцеля Кірылы Тураўскага (2006), ордэн Свяціцеля Кірылы Тураўскага, залаты медаль імя Альберта Швейцэра (1999, 2001), званне «Заслужаны дзеяч навукі Рэспублікі Беларусь» (2007), знак «Выдатнік аховы здароўя Рэспублікі Беларусь» (2007).

Літаратура

• Беларуская энцыклапедыя : у 18 т. — Мінск, 1997. — Т. 5. — С. 79.
• Здравоохранение. — 2019. — № 2. — С. 79-80.