Пётр Гаўрылавіч Чыгрынаў

У Вікіпедыі ёсць артыкулы пра іншых людзей з прозвішчам Чыгрынаў.

Пётр Гаўрылавіч Чыгрынаў (нар. 29 чэрвеня 1938, в. Вялікі Бор, Касцюковіцкі раён) — беларускі вучоны-гісторык. Доктар гістарычных навук (1986), прафесар (1988), заслужаны работнік адукацыі Рэспублікі Беларусь. Член СПБ. Брат народнага пісьменніка Беларусі Івана Чыгрынава.

Пётр Гаўрылавіч Чыгрынаў
Дата нараджэння	29 чэрвеня 1938(1938-06-29) (87 гадоў)
Месца нараджэння	Вялікі Бор[d], Баронькаўскі сельсавет, Касцюковіцкі раён, Магілёўская вобласць, Беларуская ССР, СССР
Грамадзянства	Беларусь
Род дзейнасці	выкладчык універсітэта, гісторык
Навуковая сфера	гісторыя[1]
Месца працы	Інстытут гісторыі партыі пры ЦК КПБ Акадэмія Міністэрства ўнутраных спраў Рэспублікі Беларусь
Навуковая ступень	доктар гістарычных навук (1986)
Навуковае званне	прафесар[d] (1988)
Альма-матар	МДУ імя А. А. Куляшова (1961)
Член у	Саюз беларускіх пісьменнікаў
Узнагароды

Біяграфія

Скончыў Магілёўскі педагагічны інстытут (1961), аспірантуру БДУ (1971).

Працаваў настаўнікам, знаходзіўся на камсамольскай рабоце (1963—1968), з 1971 года у Інстытуце гісторыі партыі пры ЦК КПБ, з 1977 года прафесар Акадэміі МУС Рэспублікі Беларусь.

Навуковая дзейнасць

Даследуе паходжанне і развіццё матэрыяльнай, духоўнай і палітычнай культуры беларускага народа, станаўленне дзяржаўнасці, гісторыка-палітычныя аспекты развіцця грамадскай думкі на Беларусі, фарміраванне дзяржаўнага суверэнітэту і дэмакратызацыю палітычнай сістэмы ў новых умовах, беларуска-рускія адносіны, праблемы патрыятычнага выхавання.

Аўтар больш за 50 навуковых прац, у тым ліку 9 манаграфій і 7 выданняў у суаўтарстве. Адзін з аўтараў калектыўных прац «Нарысы гісторыі Ленінскага камсамола Беларусі» (1975), «Нарысы гісторыі міліцыі Беларускай ССР, 1917—1987» (1987), «Школа мужнасці і патрыятызму: Кароткі нарыс гісторыі ДТСААФ БССР» (2-е выд. 1988).