Пётр Фролавіч Дзмітрачкоў

Пётр Фролавіч Дзмітрачкоў (нар. 7 чэрвеня 1937, в. Ганнаўка, Хоцімскі раён, Магілёўская вобласць — 12 снежня 2021) — беларускі гісторык. Спецыяліст па пытаннях утварэння, палітычнай гісторыі Вялікага Княства Літоўскага і фарміравання беларускай народнасці. Кандыдат гістарычных навук (1973), прафесар (2003). Член-карэспандэнт Беларускай акадэміі адукацыі (1999)^[1].

Пётр Фролавіч Дзмітрачкоў
Дата нараджэння	7 чэрвеня 1937(1937-06-07)
Месца нараджэння	Бярозкі, Бярозкаўскі сельсавет, Хоцімскі раён, Беларуская ССР, СССР
Дата смерці	12 снежня 2021(2021-12-12) (84 гады)
Месца пахавання	Новае Пашкава
Грамадзянства	Беларусь
Род дзейнасці	гісторык
Месца працы	гісторыка-геаграфічны факультэт Магілёўскага педінстытута[d]
Навуковая ступень	кандыдат гістарычных навук
Навуковае званне	член-карэспандэнт Беларускай акадэміі адукацыі[d] (1999) прафесар
Альма-матар	гісторыка-геаграфічны факультэт Магілёўскага педінстытута[d] (1965)
Узнагароды	Выдатнік народнай асветы БССР[d] (1982) Падзяка Прэзідэнта Рэспублікі Беларусь[d] (2004) ганаровая грамата Нацыянальнага сходу Рэспублікі Беларусь (2019)

Біяграфія

Скончыў у 1965 годзе гісторыка-геаграфічны факультэт Магілёўскага дзяржаўнага педагагічнага інстытута, дзе і працаваў далей (з 1997 Магілёўскі дзяржаўны ўніверсітэт імя Аркадзя Куляшова): прафесар кафедры гісторыі і культуры Беларусі; прафесар кафедры гісторыі Беларусі і ўсходніх славян; прафесар кафедры археалогіі, гісторыі Беларусі і спецыяльных гістарычных дысцыплін. У 1973 годзе скончыў аспірантуру Інстытута гісторыі АН БССР^[1]. У 1975—2005 гадах дэкан гістарычнага факультэта.

Выкладаў вучэбныя і спецыяльныя курсы па айчыннай гісторыі са старажытных часоў да канца XVIII стагоддзя^[2].

Даследаваў праблемы ўзнікнення і развіцця дзяржаўнасці на Беларусі, этнагенезу беларусаў, гісторыі Вялікага Княства Літоўскага.

Узнагароды

• Знак «Выдатнік народнай асветы БССР» (1982)^[1];
• Знак «Выдатнік асветы СССР» (1985)^[1];
• Заслужаны работнік адукацыі Рэспублікі Беларусь (1998)^[1];
• Падзяка Прэзідэнта Рэспублікі Беларусь (2004)^[1];
• Медаль Францыска Скарыны (2012)^[1];
• Нагрудны знак «За ў клад у развіццё Магілёўскага дзяржаўнага ўніверсітэта імя А. А. Куляшова» (2018)^[1]
• Ганаровая грамата Нацыянальнага сходу Рэспублікі Беларусь (2019)^[1].

Бібліяграфія

• Аб паходжанні беларусаў, фарміраванні і развіцці беларускай народнасці. Магілёў, 1992.
• Беларусь у IX — першай палове XIII стст. Магілёў, 1994.
• Беларусь у другой палове XVII—XVIII стст. Магілёў, 2000 (разам з В. Маразевічам).
• Беларусь у складзе Вялікага княства Літоўскага: Другая палова XIII — першая палова XVII стст. Магілёў, 2003.