Пітэр Серафіновіч

Пітэр Сімон Серафіновіч (англ.: Peter Szymon Serafinowicz; нар. 10 чэрвеня 1972) — брытанскі акцёр і шоўмен беларускага паходжання. Дзед Пітэра Серафіновіча — Сімон Серафіновіч (паводле іншых звестак — Серафімовіч), ураджэнец Беларусі.

Пітэр Серафіновіч
Peter Serafinowicz
Дата нараджэння	10 ліпеня 1972(1972-07-10) (53 гады)
Месца нараджэння	Ліверпуль, Англія, Вялікабрытанія
Грамадзянства	Вялікабрытанія
Жонка	Sarah Alexander[d]
Адукацыя	St Francis Xavier's College[d]
Прафесія	акцёр, комік, пісьменнік, кінарэжысёр
Кар’ера	1991 — дагэтуль
IMDb	0784818
Медыяфайлы на Вікісховішчы

Юнацтва

Пітэр Серафіновіч нарадзіўся ў Ліверпуле, дзе наведваў каталіцкую пачатковую школу.^[1]

Кар’ера

У 1993 годзе Серафіновіч дэбютаваў у эфіры на радыё BBC Radio 1, у шоу The Knowledge. У 1998 годзе ён упершыню з’явіўся на тэлебачанні ў шоу Comedy Nation і You are Here. З таго часу ён граў шмат роляў рознага плану ў тэлесерыялах на брытанскім і амерыканскім тэлебачанні.

Таксама Пітэр Серафіновіч вядомы ў якасці акцёра агучання, у рэкламе, дубляжы. Найбольш вядомая яго праца ў агучанні — Дарт Маўл у фільме Star Wars Episode I: The Phantom Menace.^[2]

Сям’я

Дзед Пітэра Серафіновіча, Сімон Серафіновіч, абвінавачваўся ў злачынствах, здзейсненых у Беларусі ў часы Другой сусветнай вайны, але не быў асуджаны з-за стану здароўя.^[3] Паводле звестак, Серафіновіч, былы капрал Войска Польскага, кіраваў паліцыянтамі ў родным Міры і быў датычны да знішчэння мясцовага яўрэйскага насельніцтва ў 1941 г. Пасля вайны Серафіновіч асеў у Вялікайбрытаніі, дзе быў сябрам палітычна-ваеннай арганізацыі Беларускі Вызвольны Рух^[4].

Пітэр Серафіновіч жанаты на актрысе Сары Александэр^[2], ад якой мае сына.

Яго брат Джэймс Серафіновіч — сцэнарыст і рэжысёр^[5], сястра Хелен — замужам за сцэнарыстам Грэгэмам Лінеганам.

Радыё

• The 99p Challenge
• Lee and Herring
• Harry Hill’s Fruit Corner
• The Two Dannys
• Danny Baker’s All Day Breakfast Show
• The Sofa of Time

Зноскі

1. The floor is his (англ.). www.telegraph.co.uk (20 верасня 2010).
2. My Secret Life: Peter Serafinowicz, Actor and comedian, age 36 (англ.). www.independent.co.uk (20 верасня 2010).
3. «BBC star’s grandfather faced Nazi war crimes trial» thisislondon.co.uk, 21 Oct 2007
4. Беларускі Вызвольны Рух // Беларускі нацыяналізм: Даведнік / Укладальнік Пятро Казак. — Менск: Голас Краю, 2001. — 46 с.
5. James Serafinowicz (англ.). www.imdb.com (20 верасня 2010).