Пятрусь Граніт

Пятрусь Граніт, сапр. Іван Пятровіч Івашэвіч (24 студзеня 1909, в. Зачэпічы, Дзятлаўскі раён, Гродзенская вобласць — 14 студзеня 1980) — беларускі паэт ^[1].

Пятрусь Граніт
Асабістыя звесткі
Дата нараджэння	24 студзеня 1909(1909-01-24)
Месца нараджэння	Зачэпічы, Навагрудскі павет, Польская Рэспубліка
Дата смерці	14 студзеня 1980(1980-01-14) (70 гадоў)
Месца смерці	Зачэпічы, Жукоўшчынскі сельсавет, Дзятлаўскі раён, Гродзенская вобласць, Беларуская ССР, СССР
Пахаванне	Зачэпічы
Грамадзянства	Беларусь
Прафесійная дзейнасць
Род дзейнасці	паэт
Грамадская дзейнасць
Партыя	Камуністычная партыя Заходняй Беларусі
Медыяфайлы на Вікісховішчы

У паняцця ёсць і іншыя значэнні, гл. Граніт.

У Вікіпедыі ёсць артыкулы пра іншых людзей з прозвішчам Івашэвіч.

Біяграфія

Нарадзіўся 24 студзеня 1909 года ў в. Зачэпічы ў сялянскай сям’і. У 1927—1939 гг. працаваў брукаром, у 1930 г. уступіў у рады КПЗБ. Прымаў удзел у нелегальным з’ездзе беларускіх пісьменнікаў у Вільні (1933)^[1]. За рэвалюцыйную дзейнасць арыштоўваўся ўладамі Польшчы. Пасля ўз’яднання Заходняй Беларусі з БССР працаваў старшынёй Беліцкага сельсавета (1939—1941). Падчас Вялікай Айчыннай вайны быў сувязным партызанскай брыгады «Барацьба» на Гродзеншчыне, выступаў у партызанскім друку з вершамі. Пасля вайны скончыў завочна Навагрудскае педагагічнае вучылішча (1950), працаваў настаўнікам, загадчыкам пачатковай школы ў Зачэпічах (1945—1971)^[1].

Памёр 14 студзеня 1980 года ў в. Зачэпічы. Пахаваны, верагодна, там жа^[2].

Творчасць

У друку ўпершыню выступіў з вершам у 1933 г. («Беларуская газета»).

Асноўныя тэмы паэтычных твораў да верасня 1939 года — лёс сялянскай беднаты, адхаднікоў. У публіцыстычных вершах крытыкаваў палітыку нацыянальнага прыгнёту ў Польшчы, прызываў працоўных Заходняй Беларусі і ўз’яднанню з БССР^[1].

Першая кніжка паэзіі «Над хвалямі Нёмана» была падрыхтавана да друку ў 1939 годзе, але не выйшла ў сувязі з вайной.

У пасляваеннай творчасці пераважалі грамадскія матывы^[1].

Аўтар зборніка паэзіі для дзяцей^[1] «Сцяжынка» (1978), нізкі вершаў апублікаваны ў зборніках «Сцягі і паходні» (1965), «Ростані волі» (1990).

Зноскі

1. Гранит Петрусь // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 168. — 737 с.
2. Гаўрук — Жалязняк – Белліт  (бел.) (14 ліпеня 2023). Праверана 8 жніўня 2024.