Рагімантас Адамайціс

У Вікіпедыі ёсць артыкулы пра іншых людзей з прозвішчам Адамайціс.

Рагі́мантас Адама́йціс (літ.: Regimantas Adomaitis; 31 студзеня 1937, г. Шаўляй, Літва — 20 чэрвеня 2022) — літоўскі акцёр . Народны артыст СССР (1985).

Рагімантас Адамайціс
Regimantas Adomaitis
Дата нараджэння	31 студзеня 1937(1937-01-31)[1]
Месца нараджэння	Шаўлі, Шавельскі павет, Літва[2]
Дата смерці	20 чэрвеня 2022(2022-06-20) (85 гадоў)
Месца смерці	Вільня, Віленскае гарадское самакіраванне, Літва
Месца пахавання	Антокальскія могілкі
Грамадзянства	Літва → СССР → Літва
Жонка	Eugenija Bajorytė[d]
Адукацыя	Вільнюскі дзяржаўны ўніверсітэт імя В. Капсукаса (1959) Літоўская дзяржаўная кансерваторыя (1958)
Месца працы	Марыямпальскі драматычны тэатр[d] Каўнаскі дзяржаўны драматычны тэатр[d] Нацыянальны драматычны тэатр Літвы
Прафесія	акцёр, тэатральны акцёр, кінаакцёр
Кар’ера	з 1964 года
Узнагароды	Гранд-афіцэр ордэна «За заслугі перад Літвой» Камандор Вялікага князя Літоўскага Гядзімінаса Медаль Незалежнасці Літвы Ордэн «За заслугі» ІІІ ступені
IMDb	ID 0012361

Біяграфія

Нарадзіўся 31 студзеня 1937 года (па іншых крыніцах — 31 сакавіка^[3]) у Шаўляі.

У 1954 годзе паступіў на фізіка-матэматычны факультэт Віленскага ўніверсітэта і ў 1959 годзе скончыў навучанне, але ўжо з 1958 года пачаў вучыцца на акцёрскім аддзяленні Кансерваторыі Літвы. У 1962 годзе атрымаў дыплом акцёра.

У 1962—1963 гадах працаваў у Капсукскім драматычным тэатры (цяпер Марыямпале), у 1963—1967 гадах у Каўнаскага драматычнага тэатра. З 1967 года — акцёр Літоўскага дзяржаўнага акадэмічнага тэатра драмы ў Вільнюсе.

У 1988 годзе ўваходзіў у Ініцыятыўную групу Літоўскага руху за перабудову (Саюдзіс). Народны дэпутат СССР (1989—1991).

Памёр 20 чэрвеня 2022 года^[4].

Творчасць

Мастацтва Адамайціс вызначаецца псіхалагічнай глыбінёй, тонкай іроніяй. За ролі Міндаўгаса, Мажвідаса («Міндаўгас», «Мажвідас» Ю. Марцінкявічуса), Йуна («Йун Габрыэль Боркман» Г. Ібсена) у тэатры атрымаў Дзяржаўную прэмію Літвы ў 1982 годзе. У кіно выявіліся яго моцны тэмперамент, здольнасць ствараць складаныя і супярэчлівыя характары: «Ніхто не хацеў паміраць», «Кароль Лір», «Гэта салодкае слова — свабода», «Кентаўры», «Аварыя», «Багач, бядняк» (два апошнія фільмы — тэлевізійныя).

Фільмаграфія

• «Кароль Лір» (1970) — Эдманд

Зноскі

1. Regimantas Adomajtis // filmportal.de — 2005. Праверана 9 кастрычніка 2017.

   <a href='https://wikidata.org/wiki/Track:Q15706812'></a>
2. Deutsche Nationalbibliothek Record #1043330364 // Агульны нарматыўны кантроль — 2012—2016. Праверана 15 снежня 2014.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>
3. Рагімантас Адамайціс (Regimantas Adomaitis) — Біяграфіі, мемуары, гісторыі Архівавана 17 лістапада 2010.
4. Памёр літоўскі актор Рэгімантас Адамайціс. Ён быў беларускім партызанам у фільме, які не спадабаўся савецкаму кіраўніцтву